Foto: gov.kz
Eńbek quqyǵy buzylǵan kásiporyn basshylaryna oryndaýǵa mindetti 3 781 uıǵarym berilip, 470,7 mln teńgeden astam somaǵa aıyppul salynǵan.
Al jalaqyny óndirý boıynsha qatań keste bekitýdiń arqasynda 10,1 myń jumyskerdiń quqyǵy qorǵalǵan. Búginde olardyń 2,2 mlrd teńge kólemindegi jalaqysy tólengen.
Eńbek jáne halyqty áleýmettik qorǵaý mınıstrligi jaǵdaıdy tolyq baqylaıtynyn málimdep otyr.
Osy jyldyń 1 jeltoqsandaǵy deregi boıynsha memlekettik eńbek ınspektorlary 5 886 tekserý júrgizip, 7 902 buzýshylyqty anyqtaǵan. Onyń ishinde eńbek salasynda – 6 362, eńbek qaýipsizdigi jáne eńbekti qorǵaý boıynsha – 1 495, halyqty jumyspen qamtý boıynsha – 45 fakti belgili bolyp otyr.
Qabyldanǵan sharalardyń nátıjesinde 45 myń jumyskerdiń eńbek quqyǵy qorǵalǵan.
