Foto: Ashyq derekkóz
Tergeý derekterine sáıkes, «Qazyǵurt aýdandyq ortalyq aýrýhanasynyń» burynǵy bas dárigeri satyp alý rásimderin jasandy túrde bólip, olardy kóptegen kelisimsharttar arqyly rásimdeý shemasyn uıymdastyrǵan.
«Shemany júzege asyrý úshin ol medısınalyq jabdyqtardy jetkizý salasynda tájirıbesi bar tanysyn tartqan. Ol ózine baǵynysty, týystary men tanystarynyń atyna tirkelgen kommersııalyq uıymdardy paıdalanǵan. Osy kompanııalardyń atynan ádeıi asyra kórsetilgen kommersııalyq usynystar daıyndalǵan», delingen habarlamada.
Shyn máninde jabdyqty basqa uıym jetkizgenimen, qabyldaý aktileri burynǵy bas dárigerdiń yqpalyndaǵy kompanııalar arqyly jasalǵan. Aýrýhanadan qarajat túsken soń kúdiktiler aqshany qolma-qol shyǵaryp, ózara bólisip otyrǵan.
«Memleketke keltirilgen jalpy shyǵyn 115 mln teńgeni qurady. Qylmystyq jolmen alynǵan tabysqa kúdikti elordadan eki bólmeli páter satyp alǵan, oǵan sot sanksııasymen tyıym salyndy», dep habarlady Qarjylyq monıtorıng agenttigi.
Qazirgi tańda burynǵy bas dárigerge qatysty bultartpaý sharasy retinde kepil qoldanylǵan, al onyń sybaılasy úıqamaqqa alynǵan.
