Foto: Ashyq derekkóz
Úkimet basshysy Qarjy, Aýyl sharýashylyǵy jáne Kólik mınıstrlikterine 2026 jyldyń 1 naýryzyna deıin «e-Freight» aqparattyq júıesimen tolyq ıntegrasııany aıaqtaýdy tapsyrdy.
«Áýe joldary arqyly ótetin júk tasymaly salasynda halyqaralyq standarttarǵa sáıkes, elektrondy qujat aınalymyna kóshýdi jedeldetý qajet. Bul derekterdi óńdeý jyldamdyǵyn arttyryp, bıznes pen sheteldik seriktesterdiń tarapynan senim men ashyqtyq deńgeıin joǵarylatady», dedi Premer-mınıstr.
Sonymen qatar O.Bektenov atalǵan shara ımporttyq jáne eksporttyq deklarasııalar, sondaı-aq veterınarııalyq jáne fıtosanıtarııalyq sertıfıkattar boıynsha derekterdiń avtomatty túrde berilýin qamtamasyz etetinin basa aıtty.
