Mınıstrliktiń jobasy barysynda otandyq qalamgerler TMD elderiniń birqatar arhıvterinde zertteý júrgizip, qazaq tarıhy men ádebıetine qatysty tyń derekterdi jınaqtap, 15 ǵylymı-shyǵarmashylyq eńbek ázirledi.
Osy eńbekterdi kópshilik nazaryna usyný maqsatynda 2025 jyldyń 15 jeltoqsanynda Pavlodar qalasyndaǵy S.Toraıǵyrov atyndaǵy oblystyq kitaphanada keń kólemdi ádebı forým jáne jańa kitaptardyń tusaýkeseri ótedi. Is-sharaǵa elimizdiń belgili aqyn-jazýshylary, zertteýshiler, jas ǵalymdar, sondaı-aq Reseıdiń ádebıet zertteýshi qalamgerleri men ádebıet ókilderi qatysady.
Forým barysynda avtorlar óz eńbekteriniń mazmuny men mańyzyn tanystyryp, arhıvtik derekterdiń ádebıet pen ǵylymdaǵy orny týraly oı bólisedi. Sonymen qatar ashyq pikirtalastar, shyǵarmashylyq kezdesýler jáne kitap kórmesi uıymdastyrylady.
Is-sharanyń maqsaty – joba nátıjesinde jaryq kórgen jańa eńbekterdi jurtshylyqqa tanystyrý, qazaq ádebıetiniń ǵylymı negizin keńeıtý, arhıvtik derekterdi ádebıet pen zertteý salasyna engizý, TMD elderi arasyndaǵy mádenı jáne ádebı yntymaqtastyqty nyǵaıtý jáne Qazaqstan men Reseı qalamgerleri arasyndaǵy ǵylymı-shyǵarmashylyq baılanysty tereńdetý.
