Foto: Astanaqalasynyń ákimdigi
Qala ákimdiginiń baspasóz qyzmetiniń málimetinshe, oqýshylarǵa prokýratýra qyzmetiniń tarıhy men qyzmeti kórsetilgen. Qatysýshylar kezekshi prokýrordyń jumys ornyn, Ahýaldyq ortalyqtaǵy monıtorıng júıesin jáne azamattardy qabyldaý bóliminiń jumys barysyn kórip, tanysty.
Prokýratýra mamandary «Antıalaıaqtyq» WhatsApp-botynyń qalaı jumys isteıtinin jáne azamattarǵa arnalǵan ózge de onlaın servısterdiń múmkindikterin kórsetti.
«Is-sharanyń maqsaty – kámeletke tolmaǵandar arasynda quqyqtyq mádenıet qalyptastyrý, zań men tártip ıdeologııasyn ilgeriletý. Biz mundaı ekskýrsııalardy jıi uıymdastyramyz, joǵary oqý oryndary, kolledjder men mektepterde dárister oqımyz. Narkotıkalyq qylmystardyń aldyn alý, býllıngpen, alaıaqtyqpen jáne jastar arasyndaǵy ózge de quqyqbuzýshylyqtarmen kúres týraly túsindiremiz», dedi Astana prokýrorynyń kómekshisi Dınara Týkeeva.
Sondaı-aq ol ótken jyly uıymdastyrylǵan uqsas is-sharanyń nátıjesinde birneshe stýdent quqyq qorǵaý salasyn tańdaýǵa nıet bildirip, prokýratýrada tájirıbeden ótkenin aıtty.
Prokýrorlardyń jumys barysymen tanysqan oqýshylar da óz áserimen bólisti.
«Maǵan prokýratýranyń qaladaǵy qaýipsizdikti baqylap otyratyny unady. Ahýaldyq ortalyqta kóshede bolyp jatqan jaǵdaılarǵa monıtorıng júrgizilip, quqyqbuzýshylyqtardyń aldyn alýǵa bolady», dedi Temirlan.
