Áıelderdiń ekonomıkalyq múmkindigin damytý – nazarda

Kezdesýdiń negizgi taqyryby – áıel­derdiń ekonomıkalyq múm­kindik­terin keńeıtýge ba­ǵyt­talǵan sharalar, sıfrlyq ekonomı­ka jaǵ­daıynda áıel­der kásipkerligin damy­tý jáne jasandy ıntellektini engizý máseleleri.

О́z sózinde Aıda Balaeva áıel­­derdiń eko­no­mıkalyq múm­kin­dikterin arttyrý – otba­sy ál-aýqaty men áleýmettik turaq­tylyq­tyń mańyzdy faktor­larynyń biri ekenin atap ótti.

Ulttyq ekonomıka vıse-mınıstri Azamat Ámirın óz baıan­damasynda Qazaq­stan­daǵy áıel­­derdiń iskerlik belsendiligi turaq­ty túrde joǵary deńgeıde saqta­lyp otyrǵanyn jetkizdi. Búgin­de shaǵyn jáne orta bıznes sýbektileriniń shamamen 48%-yn áıelder basqarady. 2025 jyldyń jeltoqsan aıyndaǵy jaǵdaı boıynsha elde 1 mıllıonnan asa áıel kásipker tirkelgen.

Otyrys barysynda sıfrlandyrý máselelerine, ásirese aýyldyq jerlerdegi áıel­derdiń qarjylyq qural­darǵa qoljetim­diligin arttyrýǵa erekshe nazar aýdaryldy. Ulttyq komıssııa tóraǵasy jyl sońyna deıin qoldaý sharalary men salyq reformasyna baılanysty jańa mindetterdi túsindirý boıynsha ulttyq aqparattyq naýqan júrgizýdi tapsyrdy.

Aıda Balaeva sondaı-aq sıfr­lyq daǵ­­dy­lardy damytýda eńbek naryǵynyń qa­jet­ti­likterine, perspektıvaly baǵyt­tar­ǵa basymdyq bere otyryp, salalyq tá­sil qoldanýdyń mańyzdylyǵyn atap ótti.

Otyrysta ulttyq komıssııa músheleri áıel­derdiń eko­no­mıkalyq derbestigin ny­ǵaı­týǵa, kásipkerlik bastamalar­dy da­my­týǵa, sıfrlyq saýattylyq­ty arttyrýǵa já­ne áıelderdi ekonomıkanyń jańa sek­tor­laryna tartýǵa baǵyttalǵan iske asy­ry­lyp jatqan sharalar týraly aqparat berdi.

Talqylaý qorytyndysy bo­ıyn­­sha sıfrlyq ekonomıka jaǵdaıynda áıelder kásipkerligin damytý jóninde keshendi jos­par ázirleý usynyldy. Son­daı-aq elek­trondyq kommer­sııa jáne salyq salý sala­laryn­daǵy bi­lim berý jáne onlaın baǵ­dar­lama­lardy damytý, áıel­derdiń sıfr­lyq quzyretterin damytýǵa arnal­ǵan jobalardy memlekettik organdar, ÚEU, joǵary oqý oryndary jáne ınno­vasııa­lyq alańdardyń qaty­sýymen odan ári keńeıtý jumystary jalǵasatyn boldy.

Budan bólek, óńirlik komıs­sııa­larǵa áıelder kásipkerliginiń jaǵdaıyn taldaý, aýyldyq bas­tamalardy qoldaý sharalaryn ázirleý jáne áıelder jobala­ryn iske asyrýǵa qajetti ınfraqu­ry­lymdy jaqsartý boıynsha usynystar berildi.