Foto: instagram
Ákimdiktiń aıtýynsha, qalanyń kommýnaldyq qyzmetteri kúsheıtilgen rejımde jumys istep jatyr. Qazirgi tańda Qonaevtaǵy jaǵdaı turaqty: elektr energııasy, sý jáne jylýmen qamtý shtattyq rejımde júzege asyrylyp jatyr.
Ákimdik Qonaev qalasynda 12 jeltoqsanǵa qaraǵan túni qatty jeldiń saldarynan (jeldiń ekpini sekýndyna 25 metrden asqan) birqatar turǵyn úı men ǵımarat shatyrlary zaqymdalyp, kóshedegi jaryqtandyrý baǵanalary isten shyqqan.
«Qazaqstan Respýblıkasynyń qoldanystaǵy zańnamasyna («Azamattyq qorǵaý týraly», «Jergilikti memlekettik basqarý jáne ózin-ózi basqarý týraly» zańdar) sáıkes Qonaev qalasynyń ákimi jergilikti aýqymdaǵy tabıǵı sıpattaǵy tótenshe jaǵdaı jarııalaý týraly sheshim qabyldady. 17 jeltoqsannan bastap jergilikti deńgeıdegi tótenshe jaǵdaı resmı túrde jarııalandy», delingen habarlamada.
Zaqymdanǵan nysandardy jóndeý jumystary tótenshe jaǵdaı rezervi qarajaty esebinen júrgiziledi.
Aıta keteıik, Qonaev qalasynda qatty jeldiń saldarynan qaladaǵy elektr qýaty óship, shatyrlar ushyp, aǵashtar qulaǵan, ınjenerlik jeliler zaqymdalyp, jylýmen qamtý júıesinde irkilister bolǵan. Sonymen qatar jeke turǵyn úıde órt shyǵyp, saıajaı alqaptarynda túrli apattar bolǵan.
