Fýtbol • 18 Jeltoqsan, 2025

Fýtboldan 2026 jylǵy Álem chempıonatynyń júlde qory jarııalandy

80 ret

kórsetildi

1 mın

oqý úshin

FIFA 2026 jyly ótetin dodada baq synaıtyn quramalarǵa beriletin resmı syıaqy mólsherin bekitti. Keler jyly alǵash ret 48 komanda qatysatyn týrnırdiń qarjylyq qory burynǵydan da qomaqty bolmaq, dep habarlaıdy Egemen.kz.

Qyrmyzy JUMAǴALIQYZY

Fýtboldan 2026 jylǵy Álem chempıonatynyń júlde qory jarııalandy

Foto: dodatimes

Halyqaralyq fýtbol federasııasynyń (FIFA) málimetinshe, Álem chempıony atanǵan quramanyń qazynasy 50 mıllıon dollarmen tolyǵady. Tipti, toptyq kezeńnen asa almaǵan komandalardyń ózi jubanysh syılyǵyna ıe bolady.

Syıaqylardyń mólsheri tómendegideı:

Chempıon – 50 mln dollar;
2-oryn – 33 mln dollar;
3-oryn – 29 mln dollar;
4-oryn – 27 mln dollar;
5-8-oryndar (shırek fınal) – 19 mln dollar;
9-16-oryndar (1/8 fınal) – 15 mln dollar;
17-32-oryndar – 11 mln dollar;
33-48-oryndar – 9 mln dollar.

Aıta keteıik, 2026 jylǵy álem chempıonaty tarıhtaǵy eń aýqymdy týrnır bolmaq. Ádettegi 32 quramanyń ornyna AQSh, Kanada jáne Meksıka arenalarynda 48 ulttyq komanda baq synaıdy.

Fýtboldan 2026 jylǵy álem chempıonatynyń jerebesi tartyldy

Týrnır 2026 jyldyń 11 maýsymynda Meksıkadaǵy ataqty «Asteka» stadıonynda bastalady. Alǵashqy oıynda Meksıka men Ońtústik Afrıka Respýblıkasy quramalary kezdesedi. Álem chempıony 2026 jyldyń 19 shildesinde Nıý-Iorktegi (AQSh) «Metlaıf» stadıonynda ótetin sheshýshi matchta anyqtalady.