Mahambet aýdandyq sotynda aýrýhanaǵa qatysty Ákimshilik quqyq buzýshylyq týraly kodekstiń 462-babynyń 3-bóligimen qozǵalǵan ákimshilik is qaraldy.
«Aýrýhana joǵary táýekel dárejesine jatatyn nysan bolǵandyqtan, 25 aqpan-5 naýryz aralyǵynda aýrýzanaǵa órt qaýipsizdigi is-sharalarynyń oryndalýyna profılaktıkalyq baqylaý júrgizilip, 20 buzýshylyq anyqtalǵan. Ony oryndaýǵa 10 shildege deıin ýaqyt berilgen. Alaıda, 1 tamyzdaǵy tekserý kezinde buzýshylyqtardyń segizi oryndalmaǵan», dep habarlady aýdandyq sottan.
Sot otyrysynda aýrýhana ókili kinásin moıyndap, jeńil jaza qoldanýdy suraǵan. ️Sot aýrýhananyń 20 buzýshylyqtyń 12-sin joıǵanyn eskerdi.
«Al, 8 buzýshylyqtyń oryndalmaǵany úshin Ákimshilik quqyq buzýshylyq týraly kodekstiń 829-11-babynyń 2-bóligine sáıkes, salynatyn aıyppuldyń jalpy somasynyń otyz paıyzyn qysqartty. Mahambet aýdandyq aýrýhanasyna 1 mln 376 myń 200 teńge ákimshilik aıyppul jazasy taǵaıyndaldy», dep málim etti sottan.
Sot qaýlysy zańdy kúshine endi.
