Trenıng baǵdarlamasy praktıkalyq daǵdylardy damytýǵa baǵyttaldy. Onyń ishinde kontentti ártúrli platformalarǵa beıimdeý, faktchekıng, derekterdi taldaý jáne redaksııalyq jumysta sıfrlyq quraldardy paıdalaný boldy. Erekshe nazar mýltımedııalyq kontentke, medıaetıkaǵa, sondaı-aq jasandy ıntellekt quraldaryn engizý men áleýmettik jelilermen jumys isteýge aýdaryldy.
Joba Qazaqstan Respýblıkasy Mádenıet jáne aqparat mınıstrligi men «Ksell» AQ arasyndaǵy yntymaqtastyq týraly memorandým aıasynda júzege asyryldy. «Ksell» AQ korporatıvtik baılanystar bóliminiń basshysy Baıram Azızovtyń aıtýynsha, bul bastama medıasalany damytýda memleket pen bıznestiń seriktestiginiń tıimdiligin kórsetedi.
Trenıngterdiń negizgi basymdyǵy praktıkalyq bólimge – tapsyrmalardy oryndaý, keısterdi taldaý jáne jobalardy qorǵaýǵa jasaldy. Spıkerler qatarynda «Ksell» AQ jáne Ericsson kompanııasynyń ókilderi boldy. Olar telekommýnıkasııa salasynyń damýyndaǵy ózekti úrdisterdi tanystyrdy jáne sıfrlyq transformasııany halyqqa jetkizýde BAQ rólin erekshe atap ótti.
