Nıý-Iorkte eresekter de balabaqshaǵa barady

ASTANA. 24 naýryz. Jaqynda Nıý-Iork qalasynyń Brýklın aýdanynda aıyryqsha balabaqsha ashyldy. Oǵan tek kishkentaı ul-qyzdar ǵana emes, eresek adamdar da barýǵa bolady. Bul týraly «QazAqparat» habarlady. Bul mekemeni ashqan áıeldiń sózine qaraǵanda,adamdar munda ishterindegi balaǵa tán qylyqtaryn syrtqa shyǵarý úshin keledi eken. Ázirge balabaqshadaǵy eresekter tobyna 6 adam qabyldanǵan. Olardyń arasynda zańger, baǵdarlamashy jáne jazýshy bar kórinedi. Mekeme qyzmetkerleriniń aıtýynsha, atasyna bir ret ótkiziletin sabaqtar kezinde «balalar» sýret salyp, oınap, ermeksazdan músinder jasaıdy, keıbir kezderi ekskýrsııalarǵa da shyǵady eken. «Balabaqshada» dástúrli kúndizgi as pen uıqy saǵaty, sondaı-aq «balalar» tańdaýy boıynsha ata-analar jınalysy da ótkiziledi. «Balabaqshaǵa» kelý baǵasynyń arzan emestigin atap ótý kerek. Qarjylyq múmkindikterine qaraı «tárbıelenýshiler» 333-999 dollar  aralyǵyndaǵy somany tóleıdi. Joldybaı Bazar. Derek, sýret: «QazAqparat».