Foto: aikyn.kz
Qujat 12 qarashada birinshi oqylymda maquldandy. Túzetýler aıasynda «Mádenıet týraly», «Memlekettik jastar saıasaty týraly» jáne «Kınematografııa týraly» zańdarǵa ózgerister engiziledi.
«Kreatıvti ındýstrııa qyzmetkeri» jáne «Kreatıvti ındýstrııa sýbektileriniń tizilimi» syndy jańa uǵymdar qosylady. Mádenıet jáne aqparat mınıstrliginiń kreatıvti ındýstrııalar salasyndaǵy jobalarǵa jeke ınvestısııa tartý monıtorıngin júrgizý quzyreti naqtylanady.
Ákimdikterge kreatıvti ındýstrııa salasyndaǵy kásipkerlikti damytý arqyly onyń áleýetin arttyrý, talanttardy damytýǵa jaǵdaı jasaý quzyreti beriledi. Shyǵarmashylyq jáne kásibı erkindikti damytý maqsatymen kreatıvti ındýstrııa qyzmetkerleriniń quqyn qorǵaý normalary qamtylǵan. Sondaı-aq jastardy kreatıvti ındýstrııa salasyna tartý boıynsha memlekettik jastar saıasatynyń negizgi baǵyttary aıqyndalady.
Sheteldik ártister qatysatyn oıyn-saýyq, mádenı-buqaralyq is-sharalardy ótkizý kezindegi uıymdastyrýshylardyń qyzmeti reglamentteledi. Sonymen qatar kınoprokatqa shyǵatyn fılmderge prokat kýáligin berý tártibi ózgeredi.
