Foto: istockphoto.com
Qazaqstannyń Avıasııalyq ákimshiliginiń baspasóz qyzmeti habarlaǵandaı, oqıǵa LH 0722 reısinde bolǵan. Ushý kezinde jolaýshylardyń biri ózin nashar sezinip, esinen tanyp qalǵan.
«Áýe kemesiniń ekıpajy Almaty halyqaralyq áýejaıyna shuǵyl qoný týraly sheshim qabyldady. Ushaqqa jedel túrde áýejaıdyń medısınalyq qyzmeti men qalalyq jedel járdem brıgadasy jiberildi», delingen habarlamada.
Alaıda medısına qyzmetkerleri kelgen boıda jolaýshynyń ushý kezinde qaıtys bolǵanyn anyqtady. Barlyq qajetti rásimder aıaqtalǵan soń, ushaqqa Almatyda janarmaı quıylyp, saparyn jalǵastyrdy. Jergilikti ýaqyt boıynsha saǵat 07:56-da bort Beıjińge ushyp ketti.
Jelide taraǵan málemetterge súıensek, 30 jastaǵy er adam qaıtys bolǵan.
Gýanchjoý – Almaty baǵytyndaǵy reıste jolaýshy qaıtys boldy
Kóliktegi polısııa departamentiniń baspasóz qyzmeti atalǵan fakti boıynsha tergeý amaldary júrip jatqanyn málimdedi.
«Almaty áýejaıyndaǵy jelilik polısııa bólimi qylmystyq is qozǵady. О́limniń aldyn ala sebebi – jedel júrek jetkiliksizdigi. Qaıtys bolǵan adam – shetel azamaty. Qazirgi ýaqytta tergeý júrip jatyr», delingen habarlamada.
