Sport • 28 Jeltoqsan, 2025

«Barys» «Amýrdan» utylyp qaldy

40 ret
kórsetildi
1 mın
oqý úshin

Qurlyqtyq hokkeı lıgasynyń (QHL) kezekti týrynda Shyǵys konferensııasynyń sońǵy oryndarynda kele jatqan qos komanda kúsh synasty, dep jazady Egemen.kz.

«Barys» «Amýrdan» utylyp qaldy

Barys HK

Osyǵan deıin «Barys» Astanada ótken úsh kezdesýdiń úsheýinde de utylǵan edi. Atap aıtsaq, «Sochıge» (1:5), «Traktorǵa» (0:2) jáne «Avtomobılıstke» (1:4) ese jiberdi.

Bul joly jerlestermiz «Amýrge» qarsy oınady. Báseke bastalǵan bette oıyn tizginin qolǵa alǵan Habarovskiden kelgen hokkeıshiler qatarynan úsh shaıbany qaqpamyzǵa toǵytty. Tek 40 mınýtta Álıhan Ásetovtiń pasynan keıin Kırıll Panıýkov gol soǵa aldy. Biraq odan árige elordalyqtardyń shamasy jetpedi. Matchtyń aıaqtalýyna bir mınýttaı ýaqyt qalǵanda qonaqtar taǵy bir márte nysanany dál kózdep, sońǵy núkteni qoıdy. Esep – 1:4. 

Jarys kestesindegi jaǵdaıyn odan ári qıyndatyp alǵan «Barys» endi kelesi kezdesýin 30 jeltoqsanda Ombyda jergilikti «Avangard» klýbyna qarsy ótkizedi.