Oblystyq polısııa departamenti baspasóz qyzmetiniń málimetinshe, jergilikti polıseıler otbasyndaǵy quqyq buzýshylyqtardyń aldyn alý sharasyn kúsheıtti.
«Oblys aýmaǵynda 27 qańtardan beri turmystyq quqyq buzýshylyqtardyń aldyn alýǵa baǵyttalǵan «Turmys» jedel-profılaktıkalyq is-sharasy ótip jatyr. Osy shara aıasynda №1 Atyraý qalalyq polısııa bóliminiń qyzmetkerleri ýchaskelik polısııa ınspektorlarymen birge janjal jıi bolatyn otbasylardy tekserip, profılaktıkalyq jumys júrgizýdi qolǵa aldy. О́ıtkeni jyl basynan beri 102 arnasyna 100-den astam habar tústi. Tekserý nátıjesinen soń 79 adamǵa qorǵaý nusqamasy shyǵaryldy. Sot sheshimimen 20 azamatqa minez-qulqyna qatysty erekshe talap belgilendi», dep habarlady departamenttiń baspasóz qyzmeti.
