Sýret: massaget.kz
Alaıda esik aldyndaǵy kúzetshi uryny baıqap qalyp artynan qýa jóneledi. Qashyp qutylmasyn bilgen ol qolyndaǵy tasty kóshede uıyqtap jatqan qaıyrshynyń qaltasyna súńgitip jiberedi de, ózi ári qaraı qashady. Qashyp bara jatqanda arqasynan oq tıip, mert bolady. Al qaltasynda eń baǵaly asyl tas bar ekeninen habary joq qaıyrshy tańerteń oıanady da, baıaǵy tilenshilik ómirin jalǵastyra beredi. Eger qolyn qaltasyna salsa, asyl buıymdy baıqar edi. Ony satsa, baılyqqa kenelip, ómiri kúrt ózgerer edi. Biraq qaıyrshy qolyn qaltasyna salmaı, qaıyrshylyq qylady. Ýaqyt ótip jatady. Kúnderdiń kúninde qaıyrshy da ómirden ozady. Asyl tas kir basyp, shirigen kıiminiń qaltasynda qalady.
Budan ne túıdik? Bizdiń tula boıymyzda asyl tas sııaqty qymbat qabilet-qarym bar. Alla Taǵala adam balasyna nebir qasıetti tegin tartý etken. Alaıda qıssadaǵy qaıyrshy sekildi kóp adam ózindegi baǵaly tasyn, ıaǵnı qabilet-qarymyn bilmeı, paıdalanbastan, boıyndaǵy qazynanyń kiltin taýyp asha almastan, múmkindigin jetildirip, damytpaı jalǵannan ótip jatyr.
Endeshe, boıyńdaǵy asylyńdy ashýǵa umtyl. Eńbekten! Abaıdyń: «О́zińe sen, ózińdi alyp shyǵar, eńbegiń men aqylyń eki jaqtap», degen ósıetin tut.
«Qazaqtyń qolynan túk kelmeıdi, qazaq erinshek» degendi doǵaryp, halyqty oıatý kerek. Alash kósemi Álıhan Bókeıhan: «Kim sheber bolsa, jalyqpaı, talmaı izdense, birigip tize qosyp, ádis qylsa – ǵumyr báıgesi soniki. Qazaqty «typ-tynysh jatyp, erinshek, esh nárse qylmaıdy» dep oılamańdar! Olar qaıratty, jumystyń bárine jaraıdy. Biraq olardy qozǵaý kerek!» degeni asa kóregen paıym.
