Álem • Búgin, 11:53

AQSh-ta Tramptyń beınesi bar mereıtoılyq pasporttar shyǵarylady

20 ret

kórsetildi

1 mın

oqý úshin

AQSh táýelsizdiginiń 250 jyldyǵyna oraı elde shekteýli serııamen Donald Tramptyń beınesi bar jańa pasporttar shyǵarý josparlanyp otyr. Qujattyń syrtqy kelbeti jańartylǵanymen, qaýipsizdik talaptary burynǵydaı saqtalady, dep jazady Egemen.kz.

Shyńǵys MUQAEV

AQSh-ta Tramptyń beınesi bar mereıtoılyq pasporttar shyǵarylady

Foto: foxnews.com

Fox News málimetinshe, bul bastamany AQSh Memlekettik departamenti qolǵa alǵan. Jańa úlgidegi pasporttyń ishki muqabasyna Tramptyń portreti, Táýelsizdik deklarasııasynyń mátini, memlekettik tý jáne altyn tústes qoltańba beınelenedi. Al basqa betinde deklarasııaǵa qol qoıý sátindegi AQSh-tyń negizin qalaýshylardyń sýreti ornalastyrylady.

Vashıngtonda taǵy da atys boldy: Donald Tramp shuǵyl túrde evakýasııalandy

Mereıtoılyq pasporttar shilde aıynda aınalymǵa shyǵarylady. Qujattyń dızaıny jańartylǵanymen, onyń qaýipsizdik talaptary ózgerissiz qalady.

Sondaı-aq muqaba bezendirilýinde de ózgerister bar. «United States of America» jazýy úlkeıtilip, eltańbanyń ústińgi jaǵyna ornalastyrylady. Al qujattyń artqy betinde 13 juldyzdyń ortasyna «250» sany jazylǵan memlekettik tý beınelenedi. Jańa pasportty ótinish bergen kez kelgen AQSh azamaty ala alady.

Mereıtoı sheńberinde budan bólek, Donald Tramptyń qoltańbasy qoıylǵan dollar kýpıýralary men onyń beınesi bederlengen iri altyn moneta shyǵarý da josparlanyp otyr.