Májilis depýtaty Ashat Aımaǵambetovtyń aıtýynsha, qazirgi júıede stýdentter uzaq oqýdan keıin de tolyqqandy praktıkalyq daǵdylarsyz qalady.
«Stýdentterdiń oqý merzimi alty jyldy quraıdy. Odan keıin alty aıǵa sozylatyn ınternatýra kezeńi bar, onda stýdentter stasıonar jaǵdaıynda naqty zańdy mártebesiz jumys isteıdi, medısınalyq júıelerge tolyq qol jetkize almaıdy jáne emdik manıpýlıasııalarǵa qatysýǵa quqyǵy joq. Alty jyldyq oqýdy aıaqtaǵan túlekter rezıdentýradan ótpeıinshe jumysqa ornalasa almaıdy. Rezıdentýranyń uzaqtyǵy eki jyldan tórt jylǵa deıin sozylady. Sonymen qatar, memlekettik granttar sany shekteýli bolǵandyqtan, oqý kóbinese aqyly negizde júzege asady», dedi ol.
Almatydaǵy medısınalyq mekeme naýqastardyń densaýlyǵyna qaýip tóndiretin qurylǵylardy paıdalanǵan
Osyǵan baılanysty depýtat medısınalyq bilim berý júıesin ózgertip, oqý merzimin jeti jyldyq modelge aýystyrýdy usyndy. Onyń ishinde alty jyl teorııalyq oqý jáne bir jyl medısınalyq uıymdarda tolyqqandy praktıkalyq ınternatýra qarastyrylýy kerektigi aıtyldy.
