Zııandy qosymshalar, jalǵan siltemeler men habarlamalar arqyly qaskúnemder onlaın-bankıngke, CVV-kodtaryna, logınderge, qupııasózderge jáne basqa da konfıdensıaldy derekterge qol jetkizýge tyrysady. Agenttiktiń málimetinshe, bul derbes aqparat pen qolma-qol aqshanyń joǵalýyna ákelýi múmkin.
Qaýipsizdikti qamtamasyz etý úshin Qarjy naryǵyn retteý jáne damytý agenttigi mynadaı keńesterdi usyndy:
- Vırýsqa qarsy baǵdarlama ornatyńyz jáne ony únemi jańartyp otyryńyz;
- Qosymshalardy tek resmı kózderden júktep alyńyz (Google Play, App Store);
- Qosymshalar suraǵan ruqsattardy tekserip, baılanystarǵa, SMS-ke, mıkrofonǵa jáne ekranǵa kirýdi shekteńiz;
- Hattarmen, messendjerlermen jáne push-habarlamalarmen keletin kúdikti siltemelerge ótpeńiz;
- Qyzmetter úshin kúrdeli jáne ár túrli qupııasózderdi ornatyp, qupııasóz menedjerlerin qoldanyńyz;
- Telefonyńyzda bank kartalarynyń fotosýretterin, qupııa sózderdi jáne elektrondyq qoltańbany saqtamańyz;
- Qurylǵyny joǵaltyp alǵan kezde ekrandy buǵattaýdy, bıometrııalyq qorǵaýdy jáne derekterdi qashyqtan joıý múmkindigin qosyńyz;
- Qońyraý soǵýshy ózin bank nemese quqyq qorǵaý organdarynyń qyzmetkerimin dep tanystyrsa da, telefon nemese messendjerler arqyly kodtardy, qupııasózderdi jáne basqa da qupııa aqparatty habarlamańyz.
1414-ten SMS kelse, saq bolyńyz: Azamattardy aldaýdyń jańa shemasy belgili boldy
Qosymsha keńes:
- Operasııalyq júıeni jáne ornatylǵan qosymshalardy únemi jańartyp otyryńyz, sebebi jańartýlarda mańyzdy qaýipsizdik patchtary bar;
- Bank habarlamalary arqyly qarjylyq operasııalaryńyzdy qadaǵalap otyryńyz, tranzaksııalarǵa shekteý qoıyńyz, sondaı-aq banktik qosymshaǵa kirgen kezde bıometrııany qoldanyńyz;
- Búkil otbasynyń kıbergıgıenasyn júrgizý: balalar men qart týystarǵa alaıaqtyqty shynaıy habarlandyrýlardan qalaı ajyratýǵa bolatynyn jáne áleýmettik ınjenerııaǵa qalaı qarsy turý kerek ekenin túsindirińiz.
Internet-alaıaqtyqqa qarsy naqty nátıje: Jetisýda 600 myń teńge qaıtaryldy
Eger siz qurylǵyny joǵaltsańyz nemese ruqsatsyz paıdalanylǵanyna kúmándansańyz:
- Bank kartalaryn dereý buǵattańyz, barlyq qupııasózderdi ózgertińiz jáne onlaın-banktegi sessııalardy ajyratyp tastańyz;
- Quqyq qorǵaý organdaryna habarlasyńyz;
- Qajet bolsa, SIM-kartany uıaly baılanys operatorynda buǵattańyz.
