Is-sharanyń maqsaty – jańartylǵan Konstıtýsııa erejelerin jan-jaqty saraptamalyq talqylaý, ony praktıkalyq turǵyda iske asyrý boıynsha kásibı usynystar ázirleý, konstıtýsııalyq reformalardy qoldaýǵa baǵyttalǵan sarapshylar qaýymdastyǵynyń ortaq ustanymyn jáne jańa Konstıtýsııa boıynsha aldaǵy referendýmdy qoldaýǵa baǵyttalǵan biryńǵaı pozısııany qalyptastyrý.
Forým aıasynda saıası partııalardyń, ǵylymı-sarapshylyq qaýymdastyqtyń, memlekettik basqarý júıesiniń, sondaı-aq medıa jáne qoǵamdyq sektor ókilderi sóz sóıledi. Qatysýshylar konstıtýsııalyq reformalardyń eldiń uzaq merzimdi damýyna yqpalyn, olardyń qoǵamdyq-saıası úderisterdegi rólin, sondaı-aq konstıtýsııalyq normalardy tıimdi iske asyrý tetikterin talqylady.
«Aýyl» partııasy tóraǵasynyń orynbasary Qýanysh Seıtjanov «Aýyl» partııasy jańa Konstıtýsııa jobasyn tolyq ári sózsiz qoldaıtynyn, ony eldiń saıası jáne qoǵamdyq damýy jolyndaǵy asa mańyzdy qadam retinde qarastyratynyn atap ótti.
«Elimizdiń jańa Negizgi zańynyń jobasy azamattardan, saıası partııalardan, qoǵamdyq uıymdar men jetekshi sarapshylardan túsken usynystardy jan-jaqty taldaý negizinde, sondaı-aq ashyq qoǵamdyq talqylaýlardyń nátıjeleri men jańa normalar men erejelerdi egjeı-tegjeıli pysyqtaýdy eskere otyryp ázirlendi», dedi Qýanysh Seıtjanov.
«Aýyl» partııasy Ortalyq apparaty basshysynyń orynbasary Aıgerim Sarsenbaeva óz sózinde jańa Konstıtýsııa jobasy eldiń uzaq merzimdi damý baǵdarlaryn aıqyndaıtyn strategııalyq qujat ekenin atap ótti.
«Usynylyp otyrǵan ózgerister ádilettilikke, bılik jaýapkershiligin arttyrýǵa jáne memlekettiń quqyqtyq negizderin nyǵaıtýǵa baǵyttalǵan qoǵamdyq suranysty kórsetedi, sondaı-aq zamanaýı ári ornyqty saıası júıeni qalyptastyrýǵa negiz bolady», dep atap ótti ol.
Is-sharaǵa sondaı-aq saıasattanýshy Daýren Pirimbetov, Qazaqstan Respýblıkasy Prezıdentiniń janyndaǵy Memlekettik basqarý akademııasy Almaty qalasy boıynsha fılıalynyń dırektory Aınýr Idrısova, prodıýser ári jýrnalıst Ulpan Quraıysova qatysyp, talqylanǵan taqyryp boıynsha óz pikirlerin bildirdi.
Baıandamalardan keıin kásibı pikir almasýǵa jáne usynystar ázirleýge baǵyttalǵan saraptamalyq talqylaý sessııasy ótti.
Kezdesý qorytyndysy boıynsha qatysýshylar biraýyzdan jańa Konstıtýsııa – qaýipsiz, taza ári ádiletti memleket qurýdyń berik irgetasyn qalaıtyn strategııalyq tańdaý degen tujyrymǵa keldi.
Máýlen Áshimbaev: Jańa Konstıtýsııadaǵy ekologııalyq erejelerdiń Shyǵys Qazaqstan úshin mańyzy zor
Sarapshylar forýmy mazmundy usynystar ázirleýge, kásibı dıalogty damytýǵa jáne memlekettiń ornyqty damý baǵytyn qoldaýdy nyǵaıtýǵa yqpal etken mańyzdy alańǵa aınaldy.
Saýalnama: Respondentterdiń 86,5%-y jańa Konstıtýsııa jobasyn qoldaıdy
