Foto: Gov.kz
Nysandar týrıstik ınfraqurylymdy damytýǵa jáne óńirdiń kóliktik qoljetimdiligin arttyrýǵa baǵyttalǵan. Úkimet otyrysynda jobalardyń júzege asyrylý barysy týraly oblys ákimi Nurymbet Saqtaǵanov baıandady.
Zaısan áýejaıy boıynsha daıyndyq deńgeıi 76%-dy quraıdy. Áýeaılaq bóliginiń qurylysy tolyq kólemde aıaqtaldy. Qazirgi ýaqytta ǵımarattar salý, ınjenerlik ınfraqurylym tartý, avtomobıl joldaryn jáne perımetrlik qorshaýdy ornatý jumystary jalǵasyp jatyr.
Katonqaraǵaı áýejaıynyń daıyndyq deńgeıi 55%-dy quraıdy. Jasandy ushý-qoný jolaǵynyń asfaltbeton jabynynyń ekinshi qabatyn tóseý, ǵımarattar salý, ınjenerlik jeliler júrgizý, avtomobıl joldaryn jáne perımetrlik qorshaýdy ornatý jumystary jalǵasyp keledi. Nysandy tapsyrý qyrkúıek aıyna josparlanǵan.
Osy jyly eki aerodromdy da tolyq paıdalanýǵa berý jáne sertıfıkattaý kútilip otyr.
«Áýe kompanııalaryn tartý jáne marshrýttyq jelini qalyptastyrý boıynsha jumystar júrgizilýde. Jańa áýejaılar boıynsha birinshi kezeńde О́skemen, Almaty jáne Astana qalalaryna ishki áýe qatynasyn uıymdastyrý, keıinnen halyqaralyq baǵyttardy pysyqtaý josparlanyp otyr. Atalǵan is-sharalardy iske asyrý jolaýshylar aǵynyn jylyna 100 myń jolaýshyǵa arttyrýǵa – 700 myńnan 800 myń jolaýshyǵa deıin, zamanaýı týrıstik ınfraqurylymdy damytýǵa, ishki jáne syrttan kelý týrızm salasyna ınvestısııalar tartýdy qamtamasyz etýge múmkindik beredi», dedi oblys ákimi.
Osyǵan deıin Qazaqstannan Tokıo men Nıý-Iorkke tikeleı áýe reısterin ashý merzimderi belgili bolǵandyǵy jóninde habarladyq. Úkimet otyrysynda bul máseleni Oljas Bektenov kóterip, halyqaralyq baǵyttardyń keshigý sebebin surady.
