Tergeý málimetinshe, ol Instagram áleýmettik jelisinde áıelder kıimin satatyny týraly jalǵan habarlandyrý jarııalap, satyp alýshylardan aldyn ala tólem qabyldaǵan. Alaıda ýáde etilgen taýardy jetkizbeı, túsken aqshany jeke qajetine jumsaǵan.
Temirtaý qalalyq soty áıeldi alaıaqtyq jasaǵany úshin kináli dep tanyp, 3 jyl 6 aıǵa bas bostandyǵynan aıyrdy. Keıin apellıasııalyq sot «Qazaqstan Respýblıkasy Konstıtýsııasynyń 30 jyldyǵyna baılanysty raqymshylyq jasaý týraly» zańdy qoldanyp, jaza merzimin 2 jyl 4 aıǵa deıin qysqartqan.
Alaıda sot aktilerin zerdeleý barysynda raqymshylyqtyń negizsiz qoldanylǵany anyqtaldy. Zań talaptaryna sáıkes, aldyńǵy úkim boıynsha jazasyn ótep júrgen kezde qasaqana qylmys jasaǵan adamdar raqymshylyqqa ilikpeıdi.
Bas prokýratýranyń narazylyǵynan keıin raqymshylyq týraly sheshimniń kúshi joıylyp, sottalǵan áıelge bastapqy taǵaıyndalǵan 3 jyl 6 aı merzimdegi jaza qaıta qalpyna keltirildi.
Bıshimbaev pen Perızat Qaıratqa raqymshylyq jasala ma? IIM vıse-mınıstri jaýap berdi
Prokýratýra ókilderi raqymshylyqtyń gýmanızm qaǵıdatyna negizdelgenin, alaıda ol jazasyn óteý kezinde qaıtadan qasaqana qylmys jasaǵan azamattarǵa qoldanylmaıtynyn atap ótti.
