Foto: Polisia.kz
«28 mamyrda Kıev qalasynda Eýropa men TMD elderinde sıntetıkalyq esirtki óndirý jáne taratýmen aınalysqan qylmystyq uıymǵa tıesili call-ortalyqtardyń qyzmeti toqtatyldy. Tergeý barysynda bul ortalyqtardyń adamdardy esirtki bıznesine tartý úshin paıdalanylǵany anyqtaldy. Operatorlar men menedjerler Qazaqstan aýmaǵynda esirtki jasyrýshy jáne esirtki oraýshy róline adamdardy izdep, olardy zańsyz jumysqa qabyldaǵan», dedi IIM esirtki qylmysyna qarsy is-qımyl komıteti tóraǵasynyń orynbasary Eldar Ábdikenov.
Shetelden esirtki tasymaldaǵan áıel bas bostandyǵynan aıyryldy
Arnaıy operasııa nátıjesinde 11 adam ustaldy. Olardyń arasynda uıymdastyrýshylar, operatorlar jáne adamdardy zańsyz jumysqa tartýmen aınalysqan qyzmetkerler bar. Toǵyz mekenjaıda tintý júrgizilip, shamamen 40 myń dollar, 10 myń eýro, Range Rover avtokóligi, 18 uıaly telefon, 12 noýtbýk pen planshet tárkilendi.
«Qazir tárkilengen tehnıkadaǵy málimetter zerttelip jatyr. Sonymen qatar uıymdastyrýshylardyń akkaýnttary anyqtalyp, qarjylyq tergeý júrgiziledi», dedi Eldar Ábdikenov.
Bir keli esirtki jutqan: Qazaqstanǵa apıyn ótkizbek bolǵan sheteldik ustaldy
Bul call-ortalyqtardyń jabylýy Qazaqstan azamattaryn esirtki qylmystaryna tartý faktilerin azaıtyp, halyqaralyq esirtki bıznesin uıymdastyrýshylardy jaýapqa tartýǵa múmkindik beredi.
Aıta keteıik, Almatyda Ulttyq qaýipsizdik komıteti sıntetıkalyq esirtki óndiretin jasyryn zerthananyń qyzmetin toqtatty.
