Foto: Ashyq derekkóz
Qyzdar vıdeoúndeýde bolǵan jaǵdaıdy egjeı-tegjeıli baıandaǵan. Oqıǵadan keminde tórt tárbıelenýshi zardap shekken.
Jábirlenýshilerdiń aıtýynsha, bapkerdiń ózi qyzdardy úıine jeke shyǵaryp salatyn bolǵan. Jolaı kólikte jynystyq sıpattaǵy áreket jasaýǵa umtylǵan. Budan bólek ol jattyǵý kezinde salmaq qýý úshin ıngalıatory bar maskany qoldanǵan. Sonyń saldarynan qyzdardyń basy aınalyp, ózderin jıi jaısyz sezinip júrgen. Bul jaǵdaı 2024 jyldyń qańtarynan 2025 jyldyń qyrkúıegine deıin jalǵasqan.
Buǵan deıin qylmystyq is toqtatylyp, keıbir zattaı dáleldemeler kúdiktiniń ózine qaıtarylǵan. Sonymen qatar aqpan aıynda tergeý baby ózgergen. Alǵashynda is zorlyq áreketteri boıynsha qozǵalǵan bolsa, keıin ol 16 jasqa tolmaǵandarǵa qatysty jynystyq tıisý babyna aýystyrylǵan.
Bastapqy bap boıynsha bapkerge 8 jylǵa deıin jaza qarastyrylsa, jańa bap boıynsha eń joǵary jaza 50 táýlikke deıin qamaýmen shekteledi.
Buǵan deıin prodıýserimnen zorlyq-zombylyq kórdim degen akter Nurǵalı Nuǵman týraly jazǵan edik. Atalǵan jaıtqa baılanysty IIM tergeý bastalǵanyn málimdegen bolatyn.
