Baıqaý eki kezeńnen turady: óńirlik jáne respýblıkalyq. О́ńirlik kezeńde qatysýshylar óz pedagogıkalyq ıdeıasynyń mazmuny men ózektiligin jazbasha túrde negizdep usynady. Árbir pedagog tek bir baǵyt boıynsha bir ǵana jumys joldaı alady. Jobalar qazaq, orys nemese aǵylshyn tilderinde qabyldanady. Usynylǵan materıal buryn esh jerde jarııalanbaǵan, ózge konkýrstarǵa qatystyrylmaǵan jáne avtorlyq quqyq talaptary saqtalǵan jeke ádistemelik ıdeıaǵa negizdelýi qajet. Al beınematerıal tek respýblıkalyq kezeńge ótken jumystar úshin talap etiledi.
Baıqaý kelesi baǵyttardy qamtıdy:
– oqý saýattylyǵy;
– matematıkalyq saýattylyq;
– jaratylystaný-ǵylymı saýattylyq;
– sıfrlyq saýattylyq;
– ekologııalyq saýattylyq;
– mádenıetaralyq saýattylyq;
– qarjylyq saýattylyq;
– jahandyq quzyretter.
О́ńirlik kezeńge ótinimder 2 naýryz ben 30 maýsym aralyǵynda https://ppi.orleu.edu.kz saıtynda qabyldanady.
Prezıdent álemdegi eń úzdik pedagogterdiń qataryna engen almatylyq muǵalimdi quttyqtady
