Foto: Ashyq derekkóz
Qujatta Qazaqstan aýmaǵyndaǵy ákimshilik-aýmaqtyq birlikterdiń – oblystar, aýdandar, qalalar, aýyldar jáne ózge de eldi mekenderdiń mártebesi aıqyndalǵan. Sonymen qatar olardy qurý, qaıta uıymdastyrý jáne taratý tártibi rettelip, tıisti memlekettik organdardyń ókilettikteri belgilengen.
Zańda ákimshilik-aýmaqtyq ózgeristerdi qaraýdyń naqty quqyqtyq krıterııleri engizilip, sheshimder áleýmettik-ekonomıkalyq damý kórsetkishterine negizdele otyryp qabyldanatyny kózdeledi.
Budan bólek, sıfrlandyrý talaptaryna sáıkes ákimshilik-aýmaqtyq birlikterdi jáne olardyń shekaralaryn «Mekenjaı tirkelimi» júıesinde esepke alý jáne tirkeý tártibi bekitiledi.
Sondaı-aq eldi mekenderdiń shekaralaryn belgileý men ózgertý bas josparlar men damý shemalary negizinde júzege asyrylyp, qala qurylysy men aýmaqtyq josparlaý arasyndaǵy baılanys kúsheıtiledi.
Sondaı-aq, Parlament Palatalarynyń birlesken otyrysynda Prezıdent pen Quryltaı ókilettilikteri týraly Konstıtýsııalyq zańdar qabyldanyp, elorda mártebesi zańmen bekitildi.
