Foto: Vıdeodan alynǵan kadr
Telejoba mýzykalyq shoý men realıtı-saıahat formatynda túsirildi. Oǵan Qytaı, Qazaqstan, Qyrǵyzstan, Italııa, Malaızııa jáne Serbııadan kelgen 8 oryndaýshy qatysty. Túsirilim Astana, Almaty qalalarynda jáne Túrkistan, Mańǵystaý, Almaty, Aqmola oblystarynda ótti. Kórermender kóne Túrkistan, Bozjyra shatqaly men Kaspıı teńiziniń jaǵalaýy, Qaıyńdy men Kóbeıtuz kólderi, Býrabaı ulttyq tabıǵı parki sııaqty elimizdiń tanymal týrıstik oryndaryn tamashalady.
Qazaqstan atynan qatysqan Nurjas Sadyrbaı jobanyń jeńimpazy atandy. Baǵdarlama Qytaıda Hunan TV telearnasy men Mango TV sıfrlyq platformasynda, sondaı-aq «Qazaqstan» telearnasynda kórsetildi.
Efır kórsetilimi ınternettegi ártúrli platformadaǵy jalpy qaralym sany 2,36 mıllıardqa jetse, Mango TV-da 700 mıllıonnan asqan.
Atalǵan joba tanystyrylymy byltyr kúzde ótken bolatyn. Eske sala keteıik, buǵan deıin Argentınada mekteptegi mýzyka kabınetine Dımash Qudaıbergenniń esimi berilgendigin jazǵan edik.
