Foto: ashyq derekkózden
Mınıstrlik málimetinshe, buǵan deıin bul qyzmet tek qoldanystaǵy qujat bolǵan jaǵdaıda, sondaı-aq kýálik joǵalýy, urlanýy nemese tegi, aty-jónin ózgertken kezde ǵana onlaın formatta kórsetilip kelgen. Endi ol qujat merzimi ótken kýálikterge qatysty da qoldanylady.
«Jańashyldyq júrgizýshi kýáliginiń barlyq sanatyna qoldanylady. Jaramdylyq merzimi ótkennen keıin kýálikti aýystyrý kezinde kólik quralyn basqarýǵa ruqsat alý úshin mindetti túrde medısınalyq tekserýden ótý qajet. Medısınalyq tekserýden ótken paıdalanýshylardyń málimetteri ótinim berý sátinde memlekettik aqparattyq júıelerden avtomatty túrde júkteledi. Al eger paıdalanýshy kýálikti merzimi aıaqtalǵanǵa deıin aldyn ala aýystyrsa, medısınalyq tekserýden ótý talap etilmeıdi. Qyzmet kórsetý merzimi – 60 mınýt», delingen mınıstrlik taratqan habarlamada.
Elimizde kólikti tirkeý men júrgizýshi kýáligin alý tártibi ózgerdi: Júrgizýshiler neni bilýi kerek?
eGov.kz portaly arqyly qyzmetti alý úshin:
– portalǵa kirip, «Azamattarǵa» – «Kólik jáne kommýnıkasııalar» – «Avtomobıl kóligi» bólimine ótý;
– «Júrgizýshi kýáligin alý» qyzmetin tańdaý;
– daıyn qujatty alý úshin HQKO-ny kórsetý jáne fotosýretti júkteý (fotoǵa qoıylatyn talaptarmen tanysý);
– qoltańba úlgisin júkteý jáne baılanys telefonyn engizý;
– memlekettik baj salyǵyn tóleý (1,25 AEK). Qaıta ótinim bergen jaǵdaıda «Buryn tólengen» fýnksııasyn paıdalanýǵa bolady;
– ótinimdi qol qoıýdyń qoljetimdi tásilderiniń birimen rastaý.
Shymkentte júrgizýshi kýáligin alýǵa kelgen adam kólikti aýdaryp aldy
eGov Mobile qosymshasy arqyly qyzmetti alý úshin:
– qosymshaǵa kirip, «eGov Memlekettik qyzmetter» – «Júrgizý jáne kólik» bólimine ótý;
– «Júrgizýshi kýáligin berý» qyzmetin tańdaý;
– fotoǵa qoıylatyn talaptarmen tanysyp, faıldy júkteý;
– qoltańba úlgisin júkteý nemese jazyp, «Saqtaý» batyrmasyn basý;
– daıyn qujatty alý úshin HQKO bólimin tańdap, «Jalǵastyrý» batyrmasyn basý;
– memlekettik baj salyǵyn tóleý (1,25 AEK). Qaıta ótinim bergen jaǵdaıda «Buryn tólengen» fýnksııasyn paıdalanýǵa bolady;
– ótinimdi qoljetimdi tásilderdiń birimen qol qoıý.
Qyzmet nátıjesi eGov.kz portalyndaǵy Jeke kabınettegi «Habarlamalar» bóliminde jáne eGov Mobile qosymshasyndaǵy «Habarlamalar» – «Jeke kabınet tarıhy» bóliminde kórsetiledi. Daıyn qujatty rásimdeý kezinde tańdalǵan HQKO-dan, jeke kýálikti kórsetip, alýǵa bolady.
«Jaqyn arada júrgizýshi kýáligin aýystyrý qyzmetin tolyqtaı onlaın formatqa kezeń-kezeńimen kóshirý josparlanyp otyr. Osy jyldyń sáýir aıynan bastap ótinimderdi elektrondy túrde berý tásiline basymdyq beriledi, bul HQKO-ǵa barýdan bas tartyp, ondaǵy kezekterdi azaıtýǵa múmkindik beredi. Qyzmettiń onlaın formatta burynnan qoljetimdi ári suranysqa ıe ekenin eskersek, bul qadam prosesti sıfrlandyrýdyń qısyndy jalǵasy bolmaq», dedi Sıfrlyq damý jáne jasandy ıntellekt vıse-mınıstri Rostıslav Konıashkın.
Qyzylordada júrgizýshi kýáliginen aıyrylǵan 15 azamat qaıtadan jol erejesin buzdy
Fotosýretti júkteý kezinde belgilengen talaptardy saqtaý mańyzdy. Sýret formaty sapa parametrlerine sáıkes bolýy tıis. Tolyq talaptar tizimimen eGov.kz portalyndaǵy qyzmet pasportynan tanysýǵa bolady.
Sonymen qatar buryn berilgen jeke kýáliktegi nemese tólqujattaǵy fotosýretti paıdalaný múmkindigi bar. Bul jaǵdaıda sýret alynatyn qujat úsh jyldan aspaıtyn merzimde berilgen bolýy tıis. Eger merzim úsh jyldan assa, júıe ózekti fotosýretti qolmen júkteýdi usynady.
О́tinim berý barysynda keıbir jaǵdaılarda paıdalanýshy qujatynyń derekteri memlekettik aqparattyq júıelerde sıfrlandyrylmaǵan bolýy múmkin. Mundaı jaǵdaıda tıisti habarlama kórsetiledi jáne derekterdi jańartý úshin HQKO-ǵa jeke júginý qajet bolýy yqtımal.
Sondaı-aq júıe bereshekterdiń bar-joǵyn avtomatty túrde tekseredi. Eger júrgizýshiniń 30 kúnnen astam ýaqyt buryn salynǵan, tólenbegen aıyppuly bolsa, ol tolyq ótelgenge deıin kýálikti aýystyrý múmkin bolmaıdy.
Aıta keteıik, júrgizýshi kýáligin onlaın berý qyzmeti iske qosylǵan sátten bastap ony 60 000-nan astam ret paıdalanǵan.
