Erteń, 2 aqpanda qaladaǵy barlyq mekteptegi birinshi jáne ekinshi aýysymdaǵy 0-11-synyp oqýshylardyń oqýy onlaın formatqa aýystyryldy.
Bul sheshim ekinshi dárejeli qolaısyz meteorologııalyq jaǵdaıǵa baılanysty qabyldandy. Qalada alty kúnnen beri jel turmaǵan, erteń de jaǵdaı ózgermeıdi.
Sınoptıkterdiń málimetinshe, qolaısyz meteorologııalyq jaǵdaı týraly eskertý 1 aqpan saǵat 20:00-den 2 aqpan saǵat 20:00-ge deıin kúshinde bolady. Osy kezeńde zııandy zattar aýada baıaý tarqap, qalanyń aýa sapasyn nasharlatady.
«Qolaısyz meteorologııalyq jaǵdaıda balalardyń densaýlyǵy birinshi orynda turady. Osyǵan baılanysty oqýshylardy ýaqytsha qashyqtan oqýǵa kóshirý týraly sheshim qabyldandy», dep habarlady sala qyzmetkerleri.
Aıta keteıik, oqý úrdisi kestege sáıkes onlaın rejımde júrgiziledi. Bılik pen mamandar turǵyndarǵa ekologııalyq jaǵdaı jaqsarǵansha syrtta bolý ýaqytyn azaıtýǵa keńes beredi.
Sınoptıkter eskertý jarııalady: Elimizdiń 12 qalasynda aýa sapasy nasharlaıdy
Eske sala keteıik, ótken juma kúni de О́skemendegi mektep oqýshylary aýa sapasynyń nasharlaýyna baılanysty sabaqty úıden oqyǵan edi.
