Foto: ashyq derekkóz
Bıyldyń aıtýly oqıǵalarynyń biri – azamattyq sektormen birlesip ótkizgen aýqymdy dıalog alańdary. Eń negizgisi – Qazaqstannyń XII Azamattyq forýmy boldy. Oǵan 1 000-nan astam ÚEU ókili qatysty. Bul is-sharaǵa deıin 20 óńirlik forým jáne mınıstrliktermen 14 salalyq kezdesýler uıymdastyrylǵan-dy. Nátıjesinde 400 usynys ázirlenip, is-qımyl josparyna endi.
Sonymen qatar memlekettik jáne úkimettik emes sektor arasyndaǵy seriktestikti damytý boıynsha da birqatar jumys júrgizilgen. Jyl ishinde respýblıkalyq Qoǵamdyq keńester májilisi, Halyqaralyq ÚEU konferensııasy jáne Qaıyrymdylyq forýmy ótkizildi.
Osy jyly 73 úkimettik emes uıym ÚEU syılyǵynyń laýreaty atansa, 12 uıymǵa «Tańdaý» syılyǵy tabystaldy. Al 33 qaıyrymdylyq qory men birlestigi qaıyrymdylyq salasyndaǵy marapatqa ıe boldy. Sondaı-aq 1 000-ǵa jýyq ÚEU jobalyq basqarý formatynda áleýmettik bastamalardy iske asyrdy.
Jalpy respýblıka kóleminde 2 292 joba jasaldy. Onyń ishinde 2 185 joba memlekettik áleýmettik tapsyrys aıasynda, 102 joba granttyq qarjylandyrý jáne 5 joba strategııalyq seriktestik negizinde júzege asty. 40-tan astam resýrs ortalyqtary qyzmet etedi. Olar oblystyq, qalalyq, aýdandyq jáne aýyldyq deńgeıde jumys isteıdi.
Aıta keterligi keıingi bes jylda áleýmettik tapsyrysqa bólinetin qarajat shamamen eki ese artqan. Bul – ıgi bastamalardyń júzege asýyna, muqtaj jandar men jastardy qoldaýǵa baǵyttalyp otyr. 2025 jyl – úkimettik emes uıymdardyń el damýyna qosqan úlesiniń zor ekenin taǵy bir márte dáleldedi. Aldaǵy kezeńde azamattyq qoǵam ınstıtýttary áleýmettik turaqtylyqty nyǵaıtyp, halyqtyń ómir sapasyn arttyratyn bastamalardy odan ári jalǵastyratynyna senim mol.
