Foto: Vıdeodan alynǵan kadr
Amerıkalyq Associated Press agenttiginiń beısenbi, 1 qańtar kúni keshke taratqan málimetine súıensek, ekonomıkalyq shıeleniske baılanysty ótip jatqan sherýler kezinde keminde alty adam qaza tapqan. Alǵashqy qurbandar týraly aqparatty Reuters agenttigi de jergilikti BAQ pen quqyq qorǵaý uıymdaryna silteme jasaı otyryp taratty.
Narazylyq qalaı bastaldy?
Tolqýlar 28 jeltoqsanda Tegeranda bastaldy. Aldymen uıaly telefon satatyn dúken ıeleri, keıin basqa da kásipkerler ekonomıkanyń nasharlaýyna narazylyq retinde saýda núktelerin japty. Kóp uzamaı bul aksııalarǵa basqa iri qalalardyń turǵyndary da qosyldy.
30 jeltoqsanda alǵashqy qaqtyǵystar tirkelip, tártip saqshylary kóz jasaýratatyn gaz qoldana bastady.
Iran Prezıdenti Masýd Pezeshkıan Ishki ister mınıstrligine sherýshilermen dıalog ornatyp, olardyń zańdy talaptaryn tyńdaýdy tapsyrdy. Sonymen qatar kúshtik qurylymdar bul oqıǵalardy «syrtqy jaýlardyń qastandyǵy» dep atap, halyqty jıynǵa qatyspaýǵa shaqyrdy.
1 qańtardaǵy málimet boıynsha, Tegeranda qoǵamdyq tártipti buzǵany úshin 30 adam qamaýǵa alynǵan.
