Foto: istockphoto.com
Oqıǵa «Sokolov-Sarybaı taý-ken baıytý óndiristik birlestigi» AQ-na qarasty shahtada bolǵan. Málimetterge sáıkes, ken qazyndysynda rýda kesekteri turyp qalǵan. Solardy tazartý úshin jarylǵysh materıaldardy qoldaný kezinde baqylaýsyz jarylys bolyp, saldarynan mashınıst jaraqat alǵan.
Qazirgi ýaqytta zardap shekken jumysshy qalalyq aýrýhanada medısınalyq kómek alyp jatyr. Kompanııa ókilderi onyń jaǵdaıy baqylaýda ekenin aıtty.
Bolǵan oqıǵaǵa baılanysty polısııa departamenti eńbekti qorǵaý erejelerin buzý faktisi boıynsha qylmystyq is qozǵady. Tergeý aıasynda quqyq qorǵaý organdary oqıǵanyń barlyq sebepterin anyqtap, tıisti quqyqtyq baǵa beretin bolady.
