7 qańtarda Shymkent qalasynyń polısııa departamenti jedel is-sharalar nátıjesinde janar-jaǵarmaı materıaldaryn zańsyz shyǵarý arnasyn uıymdastyrǵan adamdar tobyn ustady. Qylmystyq shemaǵa munaı óńdeý zaýytymen baılanysty kásiporyndardyń biriniń qyzmetkerleri tartylyp, olar megapolıs turǵyndarymen sóz baılasqan.
Urlanǵan otyndy qylmystyq shemany uıymdastyrýshylarǵa tıesili birneshe bazanyń aýmaǵynda saqtaý jáne satý faktileri anyqtaldy. Qarajattyń kóleńkeli aınalymy 1 mıllıard teńgeden asady.
Tintý kezinde úlken kólemde aqsha, 17 tonnadan astam janar-jaǵarmaı, otyndy saqtaý jáne aıdaý quraldary, sondaı-aq birneshe avtokólik sısternasy tárkilendi. Barlyq kúdikti ustalyp, asa iri kólemde urlyq faktisi boıynsha tergeý júrgizilip jatyr.
Qylmystyq is aıasynda Shymkent munaı óńdeý zaýyty qyzmetkerleriniń qylmysqa, onyń ishinde kontrabandaǵa qatysy bar-joǵy tekserilip jatyr. Bul baǵyttaǵy jumys jalǵasady.
