Fransııadaǵy óńirlik saılaýda Sarkozı partııasy jeńdi

ASTANA. 24 naýryz. Fransııada keshe qorytyndysy shyqqan óńirlik saılaýda eldiń burynǵy prezıdenti Nıkolıa Sarkozıdiń (sýrette) partııasy jeńiske jetti. Osylaısha ol jergilikti saılaýdyń birinshi aınalymynda aldyna jan salmady. Bul týraly VVS habarlady. Budan bir kún bury, jeksenbi kúni Ulttyq maıdannyń jetekshisi Marın Le Pen hanym saılaýdan ózderiniń jeńip shyǵatyndaryn málimdegen edi. Biraq saılaý qorytyndysy muny joqqa shyǵardy. Degenmen, bul saılaý Fransııada úshinshi saıası yqpaldy kúshtiń de paıda bolǵanyn anyq ańǵartyp berdi. Osynyń nátıjesinde qazirgi bılik basyndaǵy partııa úshinshi satyǵa syrǵyp ketti. Saılaý aldynda Le Pen partııasy ımmıgrasııa men evreılerge qarsy saıasat júrgizetinin málimdegen edi. Buǵan qosa, ol Reseımen jaqsy dostyq qarym-qatynasta bolatyndaryn da jasyrmaı aıtyp keledi. Alaıda, myna saılaýdyń nátıjesi onyń endi 2017 jylǵy prezıdent saılaýyndaǵy múmkindigin de álsirete túsedi. Saılaýdyń aldyn ala jarııalanǵan resmı derekteri men ekzıt-poll nátıjeleri sáıkes keldi. Onda Sarkozı partııasy men onyń odaqtastarynyń saılaýshylardyń 30 paıyz, al Ulttyq maıdannyń 26 paıyz daýys alǵany aıtylǵan bolatyn. Saılaý aldyndaǵy zertteýler boıynsha, ońshyldar men ásireońshyldardyń aldaǵy saıası básekede talasqa túsetini de anyqtalǵan edi. Fransııanyń qazirgi prezıdenti Fransýa Ollandtyń jaqtastary - sosıalıster 21 paıyz daýyspen úshinshi oryn aldy. Sarkozı Ulttyq maıdanmen qandaı da bir alıans qurmaıtynyn málimdep te úlgerdi. Murat Aıtqoja.