Foto: Kólik mınıstrligi
Tonnasyna 1 000 dollar
Kólik mınıstrligi Energetıka mınıstrligimen birlesip, «QazMunaıGaz – Aero» kompanııasynyń áýejaı ınfraqurylymyna, onyń ishinde óńirlik áýejaılarǵa tikeleı qoljetimdiligin qamtamasyz etti.
Qabyldanǵan sharalardyń nátıjesinde Qazaqstan áýejaılarynda áýe kerosındi ótkizý baǵasy tonnasyna 1 000 dollardan aspaıdy. Jańartylǵan baǵa boıynsha Turkish Airlines, Fly Dubai, Air Cairo, Somon Air, AJet, Pegasus Airlines, Red Sea Airlines, One Air, Hungary Airlines, Fly Meta áýe kompanııalary janarmaımen qamtamasyz etildi.
Baǵa odan ári arzandaıdy
«QazMunaıGaz – Aero» deldaldarsyz áýe kompanııalaryna tikeleı janarmaı quıý kólemin ulǵaıtýdy josparlap otyr. Osyǵan baılanysty áýe kerosın baǵasynyń kezeń-kezeńimen odan ári tómendeýi kútiledi.
Qazirgi ýaqytta otandyq áýe kompanııalary qyzmet kórsetetin kórshiles memleketterde áýe kerosın baǵasy tonnasyna 1 200-1 300 dollar aralyǵynda tur.
Qazaqstanda 2026 jyly qandaı jańa áýejaılar men áýe reısteri iske qosylady
«Ashyq aspan» rejımi
Sonymen qatar, Qazaqstannyń 17 áýejaıynda reıster sany men baǵyttarǵa qoıylatyn shekteýlerdi alyp tastaıtyn «ashyq aspan» rejımi qoldanylady. Bul rejım sheteldik áýe kompanııalaryna áýe erkindiginiń besinshi dárejesin paıdalana otyryp, Qazaqstanǵa jáne onyń aýmaǵy arqyly ushýlardy oryndaý quqyǵyn beredi.
Atalǵan sharalar avıasııa salasynda óńirlik kóshbasshylyqty nyǵaıtýǵa jáne eldiń tranzıttik áleýetin damytýǵa yqpal etedi.
Áýe reısteri men poıyzdardyń sany artady: Bılet quny qymbattaı ma?
