Foto: Úkimet
Sapar aıasynda Oljas Bektenov óńirdiń energetıkalyq ınfraqurylymynyń damýymen tanysty. 2025 jyly óńir eldegi jalpy energııa kórsetkishiniń 42%-yn óndirdi.
Premer-mınıstrge elimizdegi qatty otynmen jumys isteıtin eń iri stansa – Bolat Nurjanov atyndaǵy Ekibastuz memlekettik aımaqtyq elektr stansasy – 1 (MAES) alańynda nysandy jańǵyrtý barysy týraly baıandaldy.
Sondaı-aq óńirdegi generasııalyq jáne jelilik ınfraqurylymdy damytý jónindegi jobalar, onyń ishinde qýaty 325 MVt Aqsý MAES-tegi №7 energoblokty rekonstrýksııalaý, jekelegen energııa kózderin jańǵyrtý, sondaı-aq zamanaýı tehnologııalarǵa negizdelgen jańa jobalardy ázirleý jáne balamaly energııany damytý jobalary tanystyryldy.
Energetıka mınıstri Erlan Aqkenjenovtiń aıtýynsha, bıyl Qazaqstanda shamamen 2,6 GVt jańa qýat kózin, onyń ishinde 2 427,6 MVt gaz jobalaryn jáne 245,8 MVt JEK-ti iske qosý josparlanyp otyr. Barlyǵy 13 joba, onyń ishinde Tekeli energokesheni, Atyraý JEO, Túrkistan oblysynda, Almaty qalasynda bý-gaz qondyrǵylary jáne t. b. jobalar iske asyrylady.
Pavlodarda tozyǵy jetken jylý-energııa ortalyǵy jańǵyrtýdan ótedi
Pavlodar oblysynyń ákimi Asaıyn Baıhanov 2025-2026 jyldardaǵy jylý berý maýsymynyń barysy týraly baıandady. Energııa kózderindegi negizgi 46 jabdyqta jóndeý jumystary aıaqtalyp, 37,1 shaqyrym jylý jelileri jańǵyrtyldy, bul jylý júıeleriniń qalypty jumys isteýin qamtamasyz etip, tozý deńgeıin 1,5%-ǵa tómendetýge múmkindik berdi.
Ekibastuz MAES-2-niń qurylys alańynda Premer-mınıstr stansany keńeıtý jáne rekonstrýksııalaý jobasynyń júzege asyrylý barysymen tanysty.
Prezıdent: AES-tiń aıaqtalǵanyn kútpeı jańa energııa kózderin iske qosý kerek
Búgingi tańda mundaǵy energııa qýaty 1 GVt-ty quraıdy. №3 jáne №4 energııa bloktaryn salý stansanyń qýatyn 2,1 GVt-qa deıin arttyrýǵa múmkindik beredi. «Samuryq-Energo» AQ basqarma tóraǵasy Qaırat Maqsutov atalǵan bloktar 2028 jylǵy qyrkúıekte (№3 energoblok) jáne 2030 jylǵy qyrkúıekte (№4 energoblok) paıdalanýǵa beriletinin baıandady. Keńeıtý jobasyn júzege asyrýǵa salynatyn ınvestısııalardyń jıyntyq kólemi 1,2 trln teńgeden asady.
MAES-3 qurylysynyń jobasy boıynsha qýat kózderin kezeń-kezeńimen engize otyryp, «taza kómir» tehnologııasy negizinde jalpy qýaty 2,64 GVt bolatyn jańa kómir generasııasyn qurý josparlanyp otyrǵany atap ótildi.
Memleket basshysy Ulttyq quryltaıda qýat kózderiniń jetkilikti bolýyn qamtamasyz etýdi memlekettik saıasattyń asa mańyzdy bóligi retinde qarastyrý qajet ekenin atap ótti.
Energetıka mınıstrligi: 2027 jyly elimizde energııa tapshylyǵy joıylady
«MAES-2-niń qosymsha energııa bloktaryn iske qosý jáne MAES-3-tiń qurylysyn bastaý ekonomıkaǵa serpin beredi. Biz birtindep energııa tapshylyǵyn joıyp, otandyq bıznespen qatar ınvestorlar úshin de qajetti energııa qýattaryn usynýǵa múmkindik alamyz», dedi Oljas Bektenov.
