Eriktiler – el men eńbekke adal jandar

Eldik murat-múdde bárinen bıik

Bıyl búkil álem Halyqaralyq eriktiler jy­lyn atap ótip jatyr. Bul bastamany Pre­zı­­dent Birikken Ulttar Uıymynyń 75-ses­sııa­­synda kótergen edi. Elimizdiń usynysy jahan­­­dyq aýqymda qoldaý tapty. Osy oraıda fo­­rýmda Memleket basshysy eriktilerdiń qo­ǵam­­­­daǵy róli men olardyń úlesin joǵary ba­ǵa­­­lap, volonterlikti naǵyz azamattyq ja­ýap­­­­ker­­­shilik pen patrıotızmniń kórinisi dep atady.

– Biz órkenıetti el retinde kúlli adam­­zat­qa ortaq qundylyqtardy dáripteımiz, ony keleshek urpaqqa amanat etemiz. Erikti bolý – ıgi ister jasaý, jaqsylyq istep, basqaǵa úlgi kórsetý, Otanyńa adal qyzmet etý, týǵan jerińe janashyr bolý degen sóz. Nıeti túzý, jany taza adamdar osy joldy tań­daı­­dy, eriktiler qataryna qosylyp, qajyr­ly eńbek etedi. Eriktilerdi ozyq oıly qoǵamnyń aınasy dep aıtsaq, artyq bolmaıdy. Naǵyz volonter tutas qoǵamnyń ıgiligin oılaıtyn, elimizdiń murat-múddesin bıikke qoıatyn sanaly azamat ekeni sózsiz. Osy oraıda, búgin men barsha eriktilerge shynaıy alǵy­symdy aıtamyn. Sizder barlyq ıgi istiń basy-qasynda, halqymyzdyń arasynda júr­sizder! Elimizdiń damýyna eleýli úles qosyp kelesizder, – dedi Qasym-Jomart Toqaev.

Qoǵamdy izgilendirýdi kózdegen jıynda birqatar azamat sóz sóılep, salmaqty oı­laryn ortaǵa saldy. Prezıdent utymdy usynys­tardy qoldaıtynyn, eń paıdalysyn júzege asyrý boıynsha tapsyrma beretinin jetkizdi.

– Halqymyz «Aqyl – jastan» dep beker aıtpaǵan. Qazaqstannyń bolashaǵy – osyndaı belsendi ári jigerli ul-qyzdarymyzdyń qolynda. Bárińizge «Jaraısyzdar!» dep aıtqym keledi, – dedi Memleket basshysy.

Sondaı-aq uly Abaıdyń sózin eske sala otyryp, volonterlerdiń aqynnyń ósıetine saı eńbek etip júrgenin erekshe baǵalady. Ári syn saǵattarda volonterler kez kelgen sharýaǵa jaýapkershilikpen qarap, belsendi jumys istegenin atap ótti.

– Qazaq – bolmysynan keńpeıil halyq. Qınalǵan adamǵa qol ushyn berý – ultymyzdyń boıynda bar asyl qasıet. Babalarymyz jaqynyńa janashyr bolýdy, tabıǵatty aıalaý­dy adamgershiliktiń belgisi sanaǵan. Árdaıym yntymaq pen birlikti saqtap, tatý-tátti ómir súrýdi urpaǵyna ósıet etken. Uly Abaı «tolyq adam» bolýdyń bir sharty – jurtqa jaqsylyq jasaý, shapaǵatyńdy tıgizý degen. Sizder osy ósıetke saı eńbek etip, «Adal azamat» degen atqa laıyqty isterdi atqaryp júrsizder. Ásirese syn saǵattarda volonterlerimiz kez kelgen sharýaǵa zor jaýapkershilikpen qa­rap, belsen­di jumys isteýde. Pandemııa k­ezin­de erik­ti­lerdiń erligine búkil el kýá bol­dy. Kúrde­li kezeńde myńdaǵan volonter aldyń­ǵy shep­te eńbek etti. Olar dárigerlerge, tár­tip saq­shylaryna, muǵalimderge, muqtaj jan­darǵa kómektesti. Alapat tasqyn kezinde erikti­ler qutqarýshylarmen birge ortaq iske atsalys­ty. Apat kúnderi 50 myń volonter tabandy ju­mys istedi. Jalpy, mundaı mysaldar az emes, kóp. Halqymyz «Jaqsyny isinen tany» degen. Sizder qazaqtyń meıirban ult ekenin is júzinde kórsetip júrsizder, – dedi Prezıdent.

Memleket basshysy óz sózinde eriktiler qozǵalysyna erekshe mán beretinin, elimizdegi «volonter bolam, qoǵamdyq ispen aınalysam» degen árbir azamatty qoldaýǵa árqashan daıyn ekenin bildirdi. Esepke shaqsaq, qazir elimizde 1 ulttyq jáne 20 aımaqtyq front-ofıs tabysty jumys istep tur. Aramyzda adamgershilik, izgilik qasıetterin tý etken, ózgelerge janashyrlyq peıilin tanytyp júrgen jandar qatary da artyp keledi. 2020 jyly respýblıkada 50 myń volonter bolsa, búginde olar 300 myńǵa jetti. Elge paıdaly jumyspen aınalysatyn uıymdardyń sany tórt esege jýyq ósip, 800-den asty.

– Qazirgi tańda eriktilerimiz ekologııa, bilim, mádenıet jáne basqa da salalar boıyn­sha mańyzdy bastamalar kóterýde. Sonyń ishin­de «Jas aǵash», «Eko baqylaý», «Bilim volon­ter­leri» jobalaryn erekshe atap ótýge bola­dy. Osyndaı is-sharalarǵa 100 myńǵa jýyq erikti qatysty. Ár bastamanyń elge, qoǵam­ǵa berer paıdasy mol. Men ózderińiz sııaqty jasam­paz jastarǵa zor úmit artamyn. Biz bári­miz bir el bolyp, aýqymdy sharýa at­qar­dyq. Endi toqtamaı, tek qana alǵa qaraı júrý úshin zaman aǵymyna saı bolý óte mańyz­dy, – deı kele Qasym-Jomart Toqaev erik­ti­ler qozǵalysyn damytýǵa qatysty birneshe ózekti mindetke toqtaldy. 

Memleket basshysy aıqyndaǵan mindet

Prezıdent áýeli volonterlik qyzmette jańa tehnologııalardy keńinen paıdalaný kerek ekenin basa aıtty.

– Men Joldaýymda elimiz úsh jyl ishinde tolyq sıfrlyq el bolýǵa tıis degen mindet qoıdym. Soǵan sáıkes naqty jumys istelip jatyr. El ómiriniń barlyq salasyna ozyq tehnologııa tásilderi, ásirese, jasandy ıntellekt júıesi engizile bastady. Eriktiler qozǵalysy da bul jumystan shet qalmaýy kerek. Men volonterdiń sıfrlyq pasportyn jasaý týraly usynysty tolyq qoldaımyn, – dedi Memleket basshysy.

Odan keıin Qasym-Jomart Toqaev halyqaralyq yqpaldastyqty arttyrý mindeti turǵanyn eske saldy. Memleket basshysy tájirıbe almasýǵa jáne halyqaralyq deńgeıdegi volonterlik bas­tamalardy úılestirýge arnalǵan jańa platformalar qurý qajet ekenin aıtty.

– Qazaqstan BUU Eriktiler baǵdar­lamasyna atsalysyp keledi. Bul biz­diń azamattarymyzǵa jahandyq volon­terlik qurylymdarda biregeı tájirıbe jınaqtaýǵa múmkindik beredi. Erikti­lerimizdiń osy Baǵdarlamaǵa aldaǵy ýaqytta da qatysýyn qamtamasyz etý mańyzdy. Tájirıbe almasýǵa jáne halyqaralyq deńgeıdegi volonterlik bas­tamalardy úılestirýge arnalǵan jańa platformalar qurý qajet dep sanaımyn. Qazaqstan BUU-men qatar ShYU, AО́SShK, TMD sekildi mańyzdy uıymdar aıasynda eriktiler qozǵalysyn damytyp jatyr. Máselen, bıyl bizdiń bastamamyzben Qazaqstanda Táýelsiz memleketter dostastyǵyna múshe elder eriktileriniń alǵashqy forýmy ótedi. О́zderińizge málim, elimizdegi Halyqaralyq eriktiler jyly «Ornyqty keleshek úshin birge!» uranymen ótýde. BUU qoldaýymen Astanada bıyl sáýir aıynda ótetin О́ńirlik ekologııalyq sammıti aıasynda volonterler úshin arnaıy sessııa uıymdastyrý josparlanyp otyr. Bul is-shara ekologııa salasyndaǵy úzdik volonterlik jobalardy júzege asyrýǵa yqpal etpek. Budan bólek, Kaspıı teńizindegi is-qımyl aptalyǵy men Aral mańyndaǵy tabıǵatty qalpyna keltirý jónindegi halyqaralyq volonterlik aptalyq ótkizý kózdelgen. Atalǵan jıyndarǵa túrli memleketterden eriktiler shaqyrylady. Keń baıtaq óńirimizdiń qaıtalanbas ekojúıesin saqtaýǵa baǵyttalǵan bul bastamalardy qoldaımyn, – dedi Prezıdent.

Azamattardyń ekologııalyq máde­nıetin arttyrý qajet. Memleket basshysy aıqyndaǵan úshinshi másele osy oıdyń tóńireginde órbidi.

– Bul – órkenıetti qoǵamǵa tán óte mańyzdy qundylyq. Búginde eriktiler eldi-mekenderdi kórkeıtýge belsene atsalysyp júr. Olar byltyrdyń ózinde «Taza Qazaqstan» aıasynda ótken 1300-den astam is-sharaǵa qatysty. Sondaı-aq volonterler aǵartýshylyq sıpattaǵy túrli bastamaǵa uıytqy boldy. Osyndaı ıgi ister ar­qyly elimizde jańa ekologııalyq máde­nıet qalyptasyp jatyr. Bul baǵyt­taǵy jumysty kúsheıte túsý kerek, sebebi ekologııalyq mádenıettiń joǵary bolýy kez kelgen eldiń ozyqtyǵy men jasam­pazdyǵynyń aıqyn kórinisi. Al Qazaq­stan eń damyǵan elderdiń qatarynda bolýy qajet, bul – bizdiń ulttyq strategııa­myz­dyń asa mańyzdy bóligi. Ásirese kási­bı ekovolonterlerdi daıarlap, ár aımaq­ta turaqty ujymdardy jasaqtaý óte mańyz­dy. «Taza Qazaqstan» qozǵalysyn ultt­yq ıdeıa jáne memlekettik saıasat retin­de min­detti túrde keńinen dáriptep, jalǵastyrý qajet, – dedi Qasym-Jomart Toqaev. 

«Meıirim» ordeni taǵaıyndalady

Prezıdent volonterlikti damytý úshin memleket deńgeıindegi jańa júıeli sharalar qajet ekenin basa aıtty.

– Bıyl eriktiler isin damytýǵa arnalǵan úsh jyldyq Jol kartasyn iske asyrý merzimi aıaqtalady. Sondyqtan Úkimet 2030 jylǵa deıingi kezeńdi qamtıtyn jańa mazmundy qujat ázirlegeni jón. Buǵan deıin qabyldanǵan sharalardyń tıimdiligine baǵa berý jáne Qazaqstannyń halyqaralyq mindettemelerine saı volon­terlik qozǵalysty nyǵaıtý úshin qosym­sha yntalandyrý tetikterin qarastyrý mańyzdy, – dedi Memleket basshysy.

Qasym-Jomart Toqaev korporatıvtik eriktiler qozǵalysyn damytý óte mańyzdy mindet ekenin atap ótti. Onyń aıtýynsha, bıznes áleýmettik jaýapkershilikti sezine bilýge tıis.

– Memleketimiz ulttyq býrjýazııany únemi qoldaýda, al bizdiń kásipkerler halqymyzǵa qamqor bolyp, árdaıym kómektesýi kerek. Tarıhta mundaı mysaldar az emes. Baqýatty azamattar mektep salyp, oqý-aǵartý isin damytýǵa úles qosqan. Kitaptar, gazet-jýrnaldar shyǵarýǵa, halyqtyń saýatyn ashýǵa zor eńbek sińirgen. Bir sózben aıtqanda, ulttyń boıynda, bolmysynda jańa qasıetter qalyptastyrýǵa belsene atsalysqan.

Qazir de kóptegen jomart jandy azamattarymyz bar. Olar qaıyrymdylyq jáne basqa da áleýmettik mańyzy bar sharalarǵa eriktilerdi kóptep tartatyn boldy. Bıznes ókilderi korporatıvtik volonterlik qyzmetke nazar aýdaryp, osy baǵyttaǵy jobalarǵa barynsha qoldaý kórsetýi kerek. Qyzmetkerlerdiń qoǵamdyq jumysqa belsene atsalysýyna jaǵdaı jasaýy qajet. Memleket jurtqa jaqsylyq jasap, qoǵamdyq isterge uıytqy bolyp júrgen kásipkerlerdi qoldaıdy. Sondyqtan men byltyr arnaıy «Meıirim» ordenin taǵaıyndaý týraly sheshim qabyldadym. Bul marapat halyqtyń qamyn oılaıtyn otanshyl azamattarǵa degen shynaıy qurmettiń belgisi bolmaq, – dedi Prezıdent.

Túbirimen ózgergen jańa qujat

Volonterler forýmy eldiń taǵdyry, ulttyń bolashaǵy aıqyndalatyn sheshý­shi sátte ótip jatyr. Byltyrǵy Jol­daýda Memleket basshysy aldaǵy saıa­sı jańǵyrýdyń negizgi baǵyttaryna qatysty usynystaryn aıtqan edi. Búginde bul bastamalar qoǵamnan keń qoldaý taýyp, ony búkil el talqylady. Mine, jarty jyldan beri konstıtýsııalyq reformaǵa qatysty qyzý pikirtalas júrip jatyr. Partııalardan, depýtattar men sarapshylardan, zańgerler men qoǵam belsendilerinen myńdaǵan usynys kelip tústi. Onda memlekettiń ınstıtýsıonaldyq negizderin ózgertýden bastap, Ata zańnyń mátinin redaksııalaýǵa deıin, óte kóp másele qamtyldy.

Azamattardyń belsendiligin eskere otyryp, Qasym-Jomart Toqaev Ulttyq quryltaıdyń Qyzylordadaǵy otyrysynda birqatar bastamany jurtshylyqtyń nazaryna usyndy. Onyń bári memleketti basqarý júıesin tıimdi, ornyqty ári teńgerimdi etýdi kózdeıdi. Prezıdent forýmda qazirgi almaǵaıyp kezeńde bul mańyzdy másele ekenin jetkizdi.

– Halyqtan kelip túsken usynystardy júıelep, jınaqtaý úshin Konstıtýsııalyq komıssııa quryldy. Onyń quramyna barlyq aımaqtyń ókilderi men túrli sanattaǵy azamattar, halyq qalaýlylary, ortalyq atqarýshy organdardyń basshylary, quqyqtanýshy ǵalymdar, til mamandary jáne belsendi jastar kirdi. Qoǵam ókilderin qamtý aýqymy, kásibılik pen azamattyq jaýapkershilik turǵysynan alǵanda, mundaı komıssııa elimizde buryn-sońdy bolmaǵan dep senimmen aıtýǵa bolady. Komıssııa jumysy elimizdiń qoǵamdyq-saıası ómirine tyń serpin berdi. Komıssııa músheleri konstıtýsııalyq reformaǵa qatysty ár máseleni egjeı-tegjeı qarap, jan-jaqty talqylap, aýqymdy jumys atqaryp jatyr. Osyǵan deıin Komıssııanyń 5 otyrysy ótti. Onyń bári áleýmettik jelide tikeleı efırden kórsetilip, aqparat quraldary arqyly keńinen taratyldy. Men talqylaý barysyn muqııat qadaǵalap otyrmyn. Osy oraıda, Ata zańymyzǵa qatysty kóptegen progressıvti, ınnovasııalyq usynys berildi dep senimmen aıta alamyn. Túptep kelgende munyń bári elimizdiń Ata zańyna negiz bolady. Bul álemde qalyptasqan qazirgi kúrdeli kezeńde birtutas Qazaqstan halqyna baǵyt silteıtin mańyzdy qujatqa aınalady dep senemin, – dedi ol.

Memleket basshysy eger bolashaqta Konstıtýsııaǵa qandaı da bir ózgerister, tipti, shaǵyn ózgerister engizý kerek bolyp jatsa, ondaı qadamdy tek referendým arqyly ǵana jasaýǵa bolady degen oıda ekenin aıtty.

– Konstıtýsııa, bul – kez kelgen eldiń eń basty jol kórsetetin qujaty, temir­qazyǵy. Konstıtýsııany bárimiz bilýimiz kerek, baǵalaýymyz qajet. Sondyqtan eger bolashaqta Konstıtýsııaǵa qandaı da bir ózgerister, tipti, shaǵyn ózgerister engizý kerek bolyp jatsa, ondaı qadamdy tek referendým arqyly ǵana jasaýǵa bolady degen oıdamyn. Bul da halqymyzdyń azamattyq quqyǵyn kúsheıtýdiń mańyzdy tásili dep senemin. Taǵy bir aıta ketetin mańyzdy jaıt: Komıssııa Konstıtýsııaǵa qatysty usynystyń bárin muqııat saralap shyqty. Muqııat oılastyrylǵan túzetýler Konstıtýsııanyń barlyq ne­gizgi bólimderi men baptaryn, preambý­la­syn túgel qamtıtyn bolady, – dedi Qasym-Jomart Toqaev.

Prezıdent qoldanystaǵy Ata zań elimizdiń táýelsiz memleket retinde damýyna eleýli úles qosqanyn, muny eshkim joqqa shyǵarmaıtynyn tilge tıek etti.

– Keshegi otyrystaǵy pikirtalasta Komıssııa músheleri «Ata zańǵa engiziletin ózgerister aýqymyna qarasaq, jańa Konstıtýsııa qabyldaýymyz kerek» degen baılam jasady. Shyn máninde, usynyl­ǵan túzetýler jobasy eldi ınstıtý­sıonaldyq-quqyqtyq turǵyda jańǵyrtý­men ǵana shektelmeıdi. Sonymen birge bul qadam tutas memlekettik júıeni qaı­ta túzýge jol ashady. Túbirimen ózger­gen múldem jańa qujattyń beınesi qalyptasty.

Ata zańymyzda jarqyn bolashaqqa nyq qadam basqan búgingi Qazaqstannyń tuǵyry ábden bekigen memleket retin­degi ıdealdary, qaǵıdattary men basym­dyqtary kórinis tabady. Árıne, qolda­nystaǵy Ata zań Qazaqstannyń táýelsiz memleket retinde damýyna eleýli úles qosty. Muny eshkim joqqa shyǵarmaıdy. Sondyqtan byltyrǵy 30 tamyzda Konstıtýsııanyń 30 jyldyǵyn keńinen atap óttik, – dedi Memleket basshysy. 

Qundylyqtardy qalyptastyrý mańyzdy

Komıssııa músheleri usynǵan zań­namalyq erejelerde adam quqyqtary bárinen joǵary turatyny jáne adam kapıtaly eń qymbat qundylyq ekeni aıqyn kórsetilgen. Sondaı-aq ár azamattyń óz áleýetin iske asyrýǵa teńdeı múmkindik beretin ádil qoǵam qurýdy kózdeıdi. Ǵylym-bilim, ınnovasııa salalaryn damytýdyń mańyzyna erekshe nazar aýdary­lyp otyr. Prezıdent paıymyn­­sha, jańa tarıhı kezeńde elimizdiń sıfrlyq dáýirge beıimdelýi jetkiliksiz.

– Jasandy ıntellekt jáne basqa da ozyq tehnologııalar bizdiń qoǵamǵa qyzmet etýi qajet. Sondyqtan damý kóshiniń baǵytyn naqty aıqyndaýymyz kerek. Ata zańymyzda adamgershilik qundylyqtardy erekshelep, bólek jazý usynyldy. Bul da – óte mańyzdy. Basqasha aıtqanda, adam jasandy ıntellektige qyzmet etpeıdi, kerisinshe, adamzattyń aqyl-oıynan týyndaǵan jasandy ıntellekt turmys-tirshiliktiń barlyq salasynda tolaıym tabysqa jetýi úshin azamattarǵa kómektesedi. Konstıtýsııada gýmanıtarlyq qundylyqtardy qalyptas­tyrý mańyzdy dep sanaımyn. Atap aıtqanda, jalpyulttyq biregeılikti nyǵaıtýǵa, tabıǵatty aıalaýǵa basymdyq berý jóninde sóz qozǵap otyrmyz, – dedi Qasym-Jomart Toqaev.

Ol bul másele baıandamashylardyń sózinde qamtylǵanyn atap ótip, ıdeıalardy qoldaıtynyn jetkizdi. Sonymen qatar baı mádenı muramyzdy saqtaýǵa, dáripteýge baǵyttalǵan volonterlerimizdiń qyzmetin de qýattaıtynyn rastady.

– Konstıtýsııaǵa engiziletin ózgerister elimizdiń damýyn jańa ári sapaly deńgeıge kóteredi. Búkil memlekettik júıeni qaıta quryp, bılik pen qoǵamnyń yqpaldastyǵyn jetildire túsedi. Usynylǵan túzetýlerdiń ishinde jaýapty ári jasampaz otanshyldyq týraly ıdeıa bar. Patrıotızm – qur uran emes. Bul qasıetti uǵymǵa jaýapkershilikpen qaraǵan abzal. Men bul jaıynda jaqynda ótken Ulttyq quryltaı otyrysynda aıtqan bolatynmyn. Otanshyl azamat degenimiz – jaýapkershiligi joǵary jáne jasampaz azamat. Men elimizdegi árbir eriktini – barshańyzdy dál osyndaı naǵyz otanshyl azamattar dep sanaımyn. Jaýapty ári jasampaz patrıotızm ıdeıasy árbir volonterdiń janyna jaqyn. Meniń buǵan esh kúmánim joq. Árbir azamat óziniń jáne qoǵamnyń ıgiligi jolynda kúndelikti adal eńbek etip, álemdi jaqsarta túsýge umtylýǵa tıis. Otanǵa degen shynaıy súıispenshilik – osy. Tanymal qoǵam qaıratkeri pas­tor Martın Lıýter Kıng «I have a dream», ıaǵnı «Meniń de armanym bar» degen edi. Sondyqtan «myna álemdi jaqsarta túsemin» dep armandańyzdar. Murattaryńyzǵa jetesizder dep oılaımyn, – dedi Prezıdent.

Qasym-Jomart Toqaev Otanymyzdy kórkeıtý, ıaǵnı Zań men tártip ústemdik qurǵan, Ádiletti, Qaýipsiz ári Taza Qazaqstandy qurý – barshamyzǵa ortaq mindet ekenin eske saldy.

– Álemdegi ahýaldy kórip-bilip otyrsyzdar. Túrli qaqtyǵystar men shıe­lenister ýshyǵyp, bolashaqty boljaý qıynǵa soǵýda. Soǵan qaramastan elimiz ósip-órkendep keledi. Biz tabandy eńbektiń arqasynda barlyq maqsat-muratymyzǵa jetemiz. Kez kelgen syn-qaterge tótep beremiz. О́skeleń urpaqtyń kózi ashyq, kókiregi oıaý, uqypty, tártipti, jınaqy bolǵany, jaqsy men jamandy aıyra bilgeni aıryqsha mańyzdy. Taǵy da atap ótkim keledi: men halqymyzdyń, ásirese, jas býynnyń kúsh-jigerine, jasampaz rýhyna senemin. Qazaqstan – bizdiń jalǵyz Otanymyz, bárimizdiń qasterli mekenimiz. Elimizdi eshkim syrttan kelip kórkeıtip bermeıdi. Qazaqstannyń myqty, qýatty, ozyq bolǵany tek bizge ǵana kerek. Súıikti Otanymyzdy kórkeıtý, ıaǵnı Zań men tártip ústemdik qurǵan, Ádiletti, Qaýipsiz ári Taza Qazaqstandy qurý – barshamyzǵa ortaq mindet. Osy mindetti oryndaý úshin bárimiz bir qoǵam bolyp eńbek eteıik, dostar! – dep sózin túıindedi Memleket basshysy.

Forýmda sondaı-aq Parlament Máji­li­siniń depýtaty, «Ulttyq volonter­lik jeli» zańdy tulǵalar birlestiginiń jetekshisi Vera Kım, «Medısına jas­tary» respýblıkalyq qoǵamdyq birlestiginiń tóraǵasy Abylaıhan Ábdirash, «Dosco» qoǵamdyq qorynyń dırektory Aınur Aımurzına, ekovolonter Baýyrjan Jaqypov, tarıhı-mádenı muralar salasyndaǵy volonter Andreı Lýtoshkın, Halyqaralyq volonterler jylynyń Eýropa men Ortalyq Azııa boıynsha aımaqtyq úılestirýshisi, BUU-daǵy qazaqstandyq erikti Zarına Mırabdýllaeva sóz sóıledi.

Jıyn sońynda Qasym-Jomart Toqaev Volonterler forýmyna qatysýshylarmen birge sýretke tústi.