Kreatıvti ındýstrııaǵa qatysty zań qaralady

Bıýro otyrysynda Máýlen Áshimbaev elimiz qazir odan ári údemeli damýǵa baǵyttalǵan aýqym­dy ózgeristiń aldynda turǵanyn atap ótti.

«Qazirgi tańda Prezıdent Qasym-Jomart Toqaevtyń bas­t­a­ma­­symen elimizde kons­tı­tý­sııa­­­­lyq reformalar júrgi­zilip ja­tyr. Olar – «Kúshti Prezı­dent – yq­­paldy Parlament – esep be­re­tin Úkimet» tujyrym­dama­syn júze­ge asyrýdy kóz­deı­tin aýqym­­dy jań­ǵyrtý stra­tegııa­sy­nyń ma­ńyz­­dy bóligi. Nátı­­­jesin­de eldiń búkil saıası júıesi­niń tıim­di­ligi, ashyq­tyǵy men bel­sendiligi artady. Sondaı-aq saıa­sı yqpal men jo­ǵary ókildi or­gan­nyń róli kúsheı­ti­ledi. Osy­ǵan baılanysty eldiń jańa Kons­tı­týsııasynyń mátini daıyn­dalyp, jarııalandy», dedi M.Áshimbaev.

Senat tóraǵasynyń aıtýynsha, jańa Ata zań azamattardyń, qoǵamdyq ınstıtýttardyń, saıası par­tııalar men zańgerlerdiń usy­nys­tary negizinde ázirlendi. Komıs­sııa otyrystarynda ashyq ári maz­mundy talqylaýlar ótti. Jańa Kons­tıtýsııa elimizdiń uzaqmer­zimdi damýynyń negizin qalaıdy.

Sonymen qatar Bıýro múshe­leri «Qazaqstan Respýblı­kasynyń keıbir zańnamalyq aktilerine kreatıvti ındýstrııa­lardy qoldaý jáne damytý máseleleri boıynsha ózgerister men tolyqtyrýlar engizý týraly» zańdy Senattyń aldaǵy otyrysynda qaraý týraly qaýly qabyldady. Atalǵan zań­nyń normalary mádenıet salasyn jańǵyrtýdy, sondaı-aq táýelsiz jáne ekonomıkanyń mańyzdy sektory retinde kreatıvti ındýstrııa qalyptastyrýdy kózdeıdi.

Sondaı-aq senatorlar buǵan deıin Májilis qabyldaǵan zań­dar­dy jumys úshin palatanyń turaq­ty komıtetterine bólip berdi.