Foto: Bild
Sportshynyń synamasynan letrozol preparaty anyqtalǵan. Bul dári estrogen deńgeıin tómendetedi jáne 2008 jyldan beri sportta qoldanýǵa qatań tyıym salynǵan. Medısınada letrozol keıbir aýrýlardy, sonyń ishinde sút bezi qaterli isiginiń erte satysyn emdeýde paıdalanylýy múmkin. Alaıda sportta ol anabolıkalyq zattardy qoldanýdyń yqtımal belgisi retinde qarastyrylady.
Italııadaǵy aq Olımpıada: Sportshylardyń jarys kestesi jarııalandy
BILD basylymynyń málimetinshe, endi Rebekka Passler bul zattyń aǵzasyna qalaı túskenin túsindirýi tıis. Tergeý aıaqtalǵanǵa deıin ol jarystardan ýaqytsha shettetildi, al sportshynyń aty Italııa bıatlon federasııasynyń resmı saıtynan alynyp tastaldy. Osylaısha, sportshy dopıng daýyna baılanysty Olımpıadany syrttaı tamashalaýǵa májbúr.
Olımpıada-2026: Ulttyq bank jańa kolleksııalyq monetalardy shyǵarady
Aıta keteıik, 24 jastaǵy Rebekka – sport álemine tanymal áýlettiń múshesi. Ol 1988 jyly bıatlonnan Italııa qorjynyna alǵashqy olımpıadalyq medaldi salǵan Iohann Passlerdiń jıeni. Sondyqtan bul oqıǵa halyqaralyq sport qaýymdastyǵynda úlken rezonans týǵyzyp otyr.
Olımpıada bastalmaı jatyp shyqqan bul daý aldaǵy jarystarda dopıngke qarsy baqylaýdyń qanshalyqty qatań bolatynyn taǵy bir márte ańǵartty.
Eske sala keteıik, Aqpannyń 6-sy kúni Italııanyń qos qalasy – Mılan jáne Kortına-d'Ampessoda tórtjyldyqtyń basty básekesi qysqy Olımpıada oıyndary bastalady. Dúnıe júziniń eń myqty sportshylary baq synaıtyn aq oıyndarda el namysyn 10 sport túri boıynsha 36 sportshy qorǵaıdy.
