ASTANA. 25 naýryz. Túrikmenstannyń jas jýrnalısi, «Azattyq» radıostansasy túrikmen qyzmetiniń burynǵy tilshisi Ýmıd Hallyev shet elderden saıası baspana surap otyr. Bul týraly «Gýndogar» portaly habarlady.
«Azattyq» radıosy túrikmen qyzmetiniń burynǵy tilshisi jáne radıonyń qazirgi qyzmetkeri Osman Hallyevtiń uly, jas jýrnalıst Ýmıd Hallyev óz otbasymen birge elden ketip qalǵan, qazir saıası baspana izdep júr», - delingen habarlamada.
Ýmıd ákesinen kek qaıtarý maqsatynda jergilikti bıliktiń yqpalymen 2008 jyly Ashhabadtaǵy joǵary oqý ornynan shyǵyp qalǵannan keıin, túrikmen arnaıy qyzmeti tarapynan qýdalaýǵa ushyraıdy. 2009 jyly ol Kanadaǵa oqý bara jatqan jerinen alynyp qalady. Sodan soń da shet elderge shyǵa almaıtyndardyń «qara tiziminde» turady.
Túrikmenstanda táýelsiz jýrnalıstiń jumys jasaýy qanshalyqty qıyn ekenin jáne nege qorytyndyda elden máńgilikke ketýge sheshim qabyldaǵanyn Ýmıd jaqynda ANT (Agentstvo novosteı Týrkmenıstana) tilshisine bergen suhbatynda aıtyp shyǵady.
«Men áskerden kelgennen keıin Túrikmen ulttyq álem tilderi tnstıtýtyna qatarynan birneshe jyl qujat tapsyrdym. Biraq meni aqshasyz eshkim oqýǵa qabyldaǵan joq. Ol jyldary Túrikmenstanda jalpy parasyz birde-bir joǵary oqý ornyna túsý shyn máninde múlde múmkin emes edi. Aqyrynda sáttilik aldynan shyqqan sanaýly abıtýrıentterdiń biri boldym. 2007 jyly meniń de jolym bolyp ketti. «Rýhnamany» basynan aıaǵyna deıin jatqa biletin bolyp, aǵylshyn jáne túrikmen tilderi boıynsha mekteptiń baǵdarlamasyn túgel meńgergesin, aqyrynda men arab fılologııasy kafedrasynyń stýdenti atandym.
Sabaqty jaqsy oqydym. Oqytýshylar muny jıi baǵalap turdy, kerek kezinde Ashhabadta ártúrli halyqaralyq konferensııalar ótken kezderi sabaqtan bosatylyp, shet eldik meımandarǵa aýdarmashylyq qyzmet jasadym. Biraq 2008 jyly meniń ekinshi kýrsqa ótýime jol berilmeı, oqýdan shyǵaryldym. Formaldy túrde sabaqqa úlgere almaýy sebepti dep kórsetilgenimen, ákem Osman Hallyevtyń «Azattyq» radıosynda jumys isteýi bárin osylaı sheship ketti. Men oqyp júrgen kezderi ulttyq qaýipsizdik qyzmetiniń qyzmetkerleri kelip jolyǵyp, ne meniń ákemdi radıoda jumys isteýdi qoıǵyzýym kerek ekenin, ne meniń ózimniń oqýdan shyǵyp ketýimniń áreketteri jasalatynyn aıtyp ketetin», - dedi Ýmıd Hallyev.
Murat Aıtqoja.
Mánbe: Gýndogar.
Sýret: Novostı Týrkmenıstana.
