Eske sala keteıik, Qonaev qalasynda jyldamdyǵy sekýndyna 27 metr boran soǵyp, turǵyn úılerdiń shatyry ushyp, ınjenerlik jeliler zaqymdanǵan. Qazirgi tańda aqaýlar tolyqtaı qalpyna keltirildi. Apat saldaryn joıýǵa 300-den astam adam men 60-tan asa arnaıy tehnıka jumyldyryldy. Sonymen qatar jedel shtab quryldy.
Aldyn ala málimetterge sáıkes, shamamen 30 turǵyn úıdiń shatyryna zaqym kelgen. Aýmaqtardy tazalaý jumystary aıaqtalyp, qalpyna keltirý sharalary josparly túrde júrgizilip jatyr.
Páter ıeleri kooperatıvteri qala ákimdiginiń turǵyn úı-kommýnaldyq sharýashylyq bólimimen birlesip, shatyrlardy jáne ınfraqurylym nysandaryn jóndeýge atsalysyp otyr.
«Qala aýmaǵynda qatty jel túni boıy soǵyp, túske deıin saqtaldy. Tabıǵı qubylystyń saldarynan zardap shekkender joq, azamattardyń ómiri men densaýlyǵyna qaýip tirkelmedi. Jedel shtab qurylyp, barlyq qyzmetter jumys isteýde. Turǵyndardan túsken barlyq ótinimder baqylaýda, birde-bir mekenjaı nazardan tys qalmaıdy. Qala turǵyndaryn aýa raıy boljamdary men Qutqarý qyzmetiniń eskertýlerin qadaǵalaýǵa shaqyramyz», dedi Qonaev qalasynyń ákimi Ashat Berdihanov.
Almaty oblysy
