Onyń aıtýynsha, jarty jyl boıy qoǵamdyq talqylaýlar negizinde daıyndalǵan jańa Konstıtýsııa mátini eki apta buryn jarııalanyp, qyzý talqylandy. Osy aralyqta azamattardan 10 myńǵa jýyq usynys kelip tústi. Bul Konstıtýsııa mátini jan-jaqty talqylaýdan ótkenin, qoǵam tarapynan úlken qyzyǵýshylyq bolǵanyn jáne azamattardyń barynsha belsendi bolǵanyn aıǵaqtaıdy.
«Jańa Konstıtýsııa jobasy jarııalanǵannan keıin de kelip túsken usynystar negizinde taǵy qosymsha normalar, basqa da redaksııalyq-stılıstıkalyq ózgerister engizildi. Qoıylǵan suraqtarǵa, aıtylǵan syn-pikirlerge Komıssııa músheleri tarapynan birden jaýap ıa túsinikteme berilip otyrdy. Osylaısha, Memleket basshysynyń «Halyq únine qulaq asatyn memleket» qaǵıdaty negizinde qoǵammen keri baılanys ornatylyp, azamattardyń usynys-pikiri múmkindiginshe eskerildi», dedi Erlan Qarın.
Iаǵnı, kelip túsken barlyq júıeli usynystar Konstıtýsııa mátininde kórinis tapty. Sondyqtan, ár óńirden, túrli saladan jınalǵan 130 adamnan turatyn Komıssııanyń ashyqtyǵy negizinde, myńdaǵan azamattyń mazmundy usynys-pikirlerin eskere otyryp ázirlengen jańa Konstıtýsııa jobasyn Halyqtyq Konstıtýsııa dep aıtýǵa tolyq negiz bar.
Prezıdent: Qoldanystaǵy Konstıtýsııanyń tarıhı mańyzyn joqqa shyǵarýǵa bolmaıdy
«Osylaısha, biz memleket pen qoǵam tutastyǵynyń, birliginiń jańa úlgisin kórsettik. Bolashaqta jańa Konstıtýsııa azamattardyń qoldaýymen referendýmda qabyldanyp jatsa, bul tek quqyqtyq qujat emes, jalpyulttyq ıdeıa men qundylyqtar turǵysynan qoǵamdyq birliktiń irgetasyna aınalaryna senim bildirgim keledi», dedi ol.
Memlekettik keńesshi jańa Konstıtýsııa tuńǵysh ret qazaq tilinde – memlekettik tilde ázirlenip, memlekettik, eldik, ulttyq múdde turǵysynan jazylǵanyn eske saldy.
Jańa Konstıtýsııa mátinin Braıl qarpimen jazý usynyldy
«Konstıtýsııa normalarynyń máni naqtylanyp, túrli sheshimderge negiz bolatyn kemshilikter joıyldy. Bul – kózge kórinbeıtin, biraq óte mańyzdy ári kúrdeli jumystardyń bir bóligi ǵana. Osyndaı jumystardyń nátıjesinde jańa Ata Zańnyń mátini oqýǵa jeńil, túsinýge ońaı, quqyqtyq turǵydan naqty qujatqa aınaldy», dep túıindedi Erlan Qarın.
Ádil eńbek, qaýipsiz jumys, laıyqty jalaqy: Maksım Rojın jańa Konstıtýsııanyń mańyzdy tusyn atady
