Foto: © depositphotos.com
Sarapshylar muny eSIM tehnologııasyna jappaı kóshýmen baılanystyrady. eSIM smartfonnyń baptaýlarynda qosymsha nómirdi ózdiginen iske qosýǵa múmkindik beredi. Budan bólek, zertteý málimetteri boıynsha, eldegi barlyq qosylymdardyń 96%-y joǵary jyldamdyqty – 3G, 4G nemese 5G jelileri arqyly ınternetke qol jetkizýdi qamtamasyz etedi.
Kepios konsaltıngtik agenttiginiń málimetinshe, ótken jyly elimizde ınternetti belsendi paıdalanýshylar sany 20 mln adamdy qurady. 2024 jylmen salystyrǵanda aýdıtorııa 232 myńǵa ósken. El halqynyń 93%-y turaqty ınternetpen qamtylǵan. Mobıldi ınternettiń ortasha jyldamdyǵy 40 Mbıt/s-qa deıin artty, bul 40% ósimge teń. Degenmen, shamamen 1,5 mln adam áli de jelige qosyla almaı otyr, kóbinese bul balalar, qarttar jáne shalǵaı aýyldardyń turǵyndary.
Sondaı-aq halyqtyń 80%-y áleýmettik jelilerdi paıdalanǵan. Qoldanýshylardyń jartysynan kóbi – er adamdar. Eń tanymal platforma – TikTok (shamamen 17 mıllıon qoldanýshy). Odan keıin Instagram (13 mıllıon) jáne Facebook (2,5 mıllıon) tur. Al Snapchat (795 myń) pen X (280 myń) platformalary eń az qyzyǵýshylyqqa ıe bolǵan.
