Ǵylym jáne joǵary bilim mınıstrliginiń «Joǵary bilim jáne ǵylym: Sıfrlandyrý jáne jasandy ıntellekt jyly» atty keńeıtilgen alqa otyrysy aıasynda uıymdastyrylǵan kórmede 40-tan astam ǵylymı joba tanystyrylǵan. Oraldyq ǵalymdar munda «Qazaqstannyń mal azyqtyq alqaptarynda turaqty basqarý kontekstinde jemshóp daıyndaý tehnologııalary men tásilderin jasaqtaý» atty ǵylymı-tehnıkalyq baǵdarlamasyn ortaǵa saldy. Jobanyń ǵylymı jetekshisi – aýyl sharýashylyǵy ǵylymdarynyń doktory, professor, UǴA akademıgi Beıbit Násıev.
«Bul ǵylymı joba elimizdegi mal azyǵyn daıyndaıtyn alqaptarda jemshóp daıyndaý tehnologııasy men tásilderin jasaqtaýǵa baǵyttalǵan. Basty maqsat – Qazaqstannyń azyq-túlik qaýipsizdigin qamtamasyz etý jáne aýyl sharýashylyǵyn damytý boıynsha mańyzdy strategııalyq qujattarda qoıylǵan basym mindetterdi sheshý», deıdi ǵalym.
Ǵalymdar dıabet jáne júrek aýrýlarynyń aldyn alatyn ónim ázirlep jatyr
Qazaqstan fermerleri úshin mańyzdy bul ǵylymı jobany ǵalymdar 2023-2025 jyldary zerttep, sonyń nátıjesinde buǵan deıin de túrli is-shara uıymdastyrǵan. Nátıjesinde halyqaralyq basylymdarǵa birneshe maqala jarııalanyp, halyqaralyq konferensııalarda da zertteýler talqyǵa salynǵan bolatyn. Osy zertteýler aıasynda Qazaqstan Respýblıkasynyń paıdaly modeliniń segiz patenti alynǵan. Ǵylymı-zertteý jumystaryna elimizdegi birqatar joǵary oqý oryndary men ǵylymı ortalyqtar atsalysyp, jalpy 6 PhD doktorant, 17 magıstrant jáne 21 stýdent qatysqan.
Otandyq sý únemdeý tehnologııasy: Ǵalymdar ázirlegen qurylǵylar naryqqa qashan shyǵady?
