О́ńirlik kommýnıkasııalar qyzmetinde ótken brıfıngte aýdan ákimi Maqsat Tańǵatarov eki jyldyń kóleminde 15 kópir jóndeýden ótkenin atap ótti. Qazirgi tańda aýdanda ózekti bolyp otyrǵan Kóksaraı men Eski Saýran kópirinde bıyl qurylys jumystary júrgizilmek. Sý tasqynynyń aldyn alý jáne qaýipsizdik sharalaryn kúsheıtý baǵytyndaǵy jumystar da júıeli júrgizilip jatyr.
«1988 jyly paıdalanýǵa berilgen Aqtóbe sý qoımasy óńirdegi mańyzdy gıdrotehnıkalyq nysandardyń biri sanalady. Syıymdylyǵy 6,11 mln tekshe metrdi quraıtyn sý qoımasy 880 gektar egistik alqapty sýmen qamtamasyz etýge múmkindik beredi. Sý aıdynynyń aýmaǵy – 1,30 sharshy shaqyrym, tereńdigi – 14 metr, uzyndyǵy – 1750 metr. Mamandardyń málimetinshe, qazirgi tańda sý qoımasy shtattyq rejımde jumys istep jatyr. Qashyrtqynyń sý tastaý qabileti sekýndyna 60 tekshe metrdi quraıdy, al bas sý bólgish qurylymy arqyly sekýndyna 2 tekshe metr sý jiberiledi. Sý qoımasyndaǵy jaǵdaı baqylaýda», dedi Maqsat Tańǵatarov.
Sondaı-aq aýdan ákimi 2030 jylǵa deıingi damý jospary ázirlengenin aıtyp ótti. Bul oraıda aýdan 3 baǵyt, ıaǵnı aýyl sharýashylyǵy, ónerkásip jáne týrızm salasy boıynsha damıdy.
Túrkistan oblysynda jańa eki sý qoımasynyń qurylysy aıaqtalýǵa jaqyn
