foto: olympic.kz
Qazaqstan quramasy qurlyq birinshiliginde 11 medal (4 altyn, 4 kúmis, 3 qola) jeńip aldy.
Sofııa Shýljenko áıelder arasyndaǵy jekeleı synda 50 metr qashyqtyqtan úsh qalypta atý baǵdarlamasynda top jaryp, Azııa jáne álem rekordyn jańartty. Sonymen qatar Qazaqstannyń áıelder quramasy osy baǵdarlama boıynsha komandalyq saıysta da birinshi oryndy ıelendi.
Sondaı-aq áıelder quramasy pnevmatıkalyq vıntovkamen 10 metrge atýdan qola júldeger atandy.
Shaǵyn kalıbrli vıntovkamen atýdan Elızaveta Bezrýkova da altyn júldege qol jetkizdi. Al Islam Sátpaev pnevmatıkalyq vıntovkamen 50 metr qashyqtyqtan jatyp atý jattyǵýynda chempıon atandy. Osy baǵdarlamada Nıkıta Shahtorın kúmis júldege ıe boldy.
Pnevmatıkalyq tapanshamen 10 metrge atýdan Valerıı Rahymjan kúmis medal jeńip aldy. Sondaı-aq Nıkıta Chırıýkın tapanshamen 25 metr qashyqtyqtan jyldam atý saıysynda ekinshi nátıje kórsetti.
Komandalyq esepte pnevmatıkalyq tapanshamen 10 metrge oq atýda Qazaqstan quramasy (Valerıı Rahymjan, Kırıll Fedkın, Eldar Imanqulov) qola júldege ıe boldy. Al pnevmatıkalyq vıntovkamen 10 metrge atýdan komandalyq saıysta Nıkıta Shahtorın, Konstantın Malınovskıı jáne Islam Sátpaev kúmis medal jeńip aldy.
Sonymen qatar erler quramasy shaǵyn kalıbrli tapanshadan 25 metrge oq atýda úshinshi orynǵa jaıǵasty. Bul joly komanda sapynda Nıkıta Chırıýkın, Kırıll Fedkın, Artemıı Kabakov óner kórsetti.
