Foto: Depositphotos.com
Tıisti qaýlyǵa elimizdiń Bas memlekettik sanıtarııalyq dárigeri Sarhat Beısenova qol qoıdy. Qujat 19 aqpannan bastap kúshine endi.
Qaýlyǵa sáıkes, bilim berý basqarmalarynyń basshylary balalardy vaksınamen qamtý deńgeıin keminde 90%-dan tómen túsirmeýdi baqylaýǵa, sondaı-aq bilim berý uıymdarynda kún saıyn «tańǵy tekseris» júrgizýge mindetti. Iаǵnı tańerteń oqýshylar men pedagogter tekserilip, aýrý belgileri bar adamdardyń ǵımaratqa kirýine jol berilmeıdi. Sonymen birge ata-analarǵa ımmýndaýdyń mańyzy týraly túsindirý jumystary kúsheıtiledi.
Budan bólek, qyzylsha tirkelgen jaǵdaıda ekpe almaǵan balalardy balabaqsha men mektepten ýaqytsha shettetý tapsyryldy.
Buǵan deıin Sanıtarııalyq-epıdemıologııalyq baqylaý komıteti elde ekpeden jappaı bas tartý saldarynan ujymdyq ımmýnıtettiń álsiregenin habarlaǵan edi. Resmı derekke sáıkes, qyzylsha juqtyrǵan balalardyń 59%-y ata-anasynyń qarsylyǵyna baılanysty vaksına almaǵan.
Endi qyzylshaǵa qarsy vaksına mindetti: Astana aýrýhanalaryna bala qabyldaý erejesi ózgerdi
