Sýret: smartnews.kz
Senat depýtattary Darhan Qydyráli men Bıbigúl Jeksenbaı elordada Ulttyq muraǵat ujymymen kezdesip, jańa Konstıtýsııa jobasynyń qoǵam úshin mańyzyn talqylady. Atap aıtqanda, Ata zańdaǵy ózgerister azamattardyń quqyqtaryn qorǵaý, derbes derekterdiń qaýipsizdigi, ádildik pen jaýapkershilikti qamtamasyz etýdegi memlekettiń róline qalaı áser etetinin aıtty.
«Muraǵat isin sıfrlandyrý, derekter bazasyn damytý, qujattardyń saqtalýy men qoljetimdiligin qamtamasyz etý – bul quqyqtyq memleket pen elimizdiń aqparattyq qaýipsizdigin nyǵaıtýǵa úles qosady», dedi D.Qydyráli.
Al depýtat Evgenıı Bolgert Ulttyq ǵylymı onkologııalyq ortalyqtyń ujymymen kezdesti. Onda senator medısınalyq kómek quqyǵyn bekitetin jańa Konstıtýsııa jobasynyń 32-babyna toqtaldy. E.Bolgerttiń aıtýynsha, normanyń jańa redaksııasy zańdy túrde dálirek ári júıeli, al memleket densaýlyq saqtaý salasyndaǵy mindettemelerin saqtap, odan ári kúsheıtedi.
Almaty qalasyna jumys saparymen barǵan Sultanbek Mákejanov, Nýrııa Nııazova men Janna Asanova áleýmettik sala ókilderimen birqatar kezdesý ótkizdi. Olar sala qyzmetkerlerimen birge densaýlyq saqtaý, bilim berý men halyqty áleýmettik qoldaý máselelerin talqylady.
Álisher Satvaldıev Shymkent qalasynda №107 jalpy orta bilim berý mektebiniń ujymymen kezdesti. Senator jańa Konstıtýsııa jobasynda usynylǵan ózgerister saıası júıeni jańǵyrtýǵa, azamattardyń quqyqtary men bostandyqtaryn qorǵaýdy kúsheıtýge, sondaı-aq ádiletti qoǵamdy qalyptastyrýǵa baǵyttalǵanyn atap ótti.
Senatorlar Janbolat Jórgenbaev pen Zakırjan Kúzıev Almaty oblysynyń Ile aýdanyndaǵy «Alataý Jaryq» AQ eńbek ujymymen, al Sultan Dúısembınov Jambyl aýdanynyń B.Qydyrbekuly atyndaǵy aýyl turǵyndarymen, sondaı-aq Qonaev qalasyndaǵy JEO ujymymen kezdesti. Senator egemendik, táýelsizdik, memlekettiń birtutas sıpaty, aýmaqtyq tutastyq jáne basqarý nysanynyń ózgermeıtindigin bekitý máselelerin aıtyp berdi.
Sonymen qatar Amangeldi Esbaı men Ǵalıasqar Sarybaev – Jetisý, Murat Qadyrbek – Túrkistan, Shákárim Buqtuǵutov pen Olga Býlavkına – Shyǵys Qazaqstan, Lázzat Rysbekova – Batys Qazaqstan, Súıindik Aldashev pen Bekbol Orynbasarov – Mańǵystaý, Álibek Náýtıev pen Saǵyndyq Luqpanov – Atyraý, Amangeldi Nuǵmanov – Aqtóbe, Serik О́teshov pen Sovetbek Medebaev Qaraǵandy oblysynyń turǵyndarymen kezdesip, eldegi reformalardyń mán-jaıyn málimdep berdi, halyqtyń kókeıde júrgen máselelerin de jınaqtap qaıtty.
