Talqylaýǵa sondaı-aq Shyǵys Qazaqstan oblystyq máslıhatynyń tóraǵasy, óńirlik koalısııa jetekshisi Denıs Rypakov, Parlament Májilisiniń depýtattary depýtaty Ulyqbek Tumashınov jáne Sergeı Ponomarev, Kásipodaqtar federasııasynyń tóraǵasy Satybaldy Daýletalın, sondaı-aq óńirdiń týrıstik sala ókilderi qatysty.
Aıda Balaeva Jańa Konstıtýsııa jobasy adamdy, onyń quqyqtary men qaýipsizdigin, laıyqty bolashaǵyn basty orynǵa qoıatyn sapaly jańa damý modelin qalyptastyratynyn atap ótti. Sonymen qatar qujat memlekettilikti nyǵaıtýǵa jáne eldiń ekonomıkalyq ósimine berik quqyqtyq ári ınstıtýsıonaldyq negiz qalaıdy.
Vıse-premer týrıstik sala úshin quqyqtyq ortanyń boljamdylyǵy, ınvestısııalardyń qorǵalýy jáne tabıǵı ári mádenı muraǵa uqypty qaraý qaǵıdattarynyń bekitilýi aıryqsha mańyzǵa ıe ekenin aıtty.
«Tabıǵatqa uqypty qaraý qaǵıdatyn bekitýdiń máni zor. Týrızm salasy úshin bul strategııalyq mańyzǵa ıe. Qorshaǵan ortany qorǵaý – tek ekologııa máselesi emes, bul – ulttyq qaýipsizdik pen balalarymyzdyń bolashaǵy. Tabıǵat – jaı ǵana ekonomıkalyq resýrs emes, ol – ulttyq biregeıligimizdiń, tarıhymyz ben mádenıetimizdiń bir bóligi. Ony saqtaý – bizdiń paryzymyz. Ony utymdy damytý – keler urpaq aldyndaǵy jaýapkershiligimiz. Týrızm salasy úshin ásirese boljamdy erejeler men senim mańyzdy. Investor men kásipker quqyqtyq ortanyń ashyqtyǵyna, menshiktiń qorǵalýyna jáne memlekettik sheshimderdiń turaqtylyǵyna senimdi bolýy tıis», dedi Aıda Balaeva.
О́z kezeginde Lýkbek Týmashınov týrızmniń turaqty damýy tabıǵı aýmaqtardy qorǵaıtyn ári bızneske ınfraqurylymǵa, servıske jáne jańa baǵyttarǵa ınvestısııa salýǵa senimdilik beretin naqty quqyqtyq baǵdarlarsyz múmkin emes ekenin atap ótti.
Sergeı Ponomarev Konstıtýsııalyq reforma jónindegi komıssııa múshesi retinde bir palataly parlament – Quryltaı modeline keńinen toqtaldy. Onyń aıtýynsha, ózgeristerdiń máni – tıimdilikti arttyrý, artyq bıýrokratııany qysqartý jáne saılanǵan depýtattardyń jaýapkershiligin kúsheıtý.
Kezdesý qorytyndysynda Shyǵys Qazaqstan oblysynyń týrıstik sala ókilderi konstıtýsııalyq reformany qoldaıtyndaryn bildirip, aldaǵy referendýmǵa qatysýdyń mańyzdylyǵyn atap ótti. Olardyń pikirinshe, bul – senimdi arttyrýǵa, ınvestısııalyq ahýaldy jaqsartýǵa jáne óńirlerdiń turaqty damýyna yqpal etetin tikeleı halyq erkin bildirý tetigi.
