Sýret: gov.kz
Osyndaı maqsatta elordada Mádenıet jáne aqparat mınıstrliginiń qoldaýymen «Jastar» ǵylymı-zertteý ortalyǵy S.Seıfýllın atyndaǵy Qazaq agrotehnıkalyq zertteý ýnıversıtetimen birlese «Jastar X» alańynda stýdenttermen saraptamalyq kezdesý uıymdastyryldy.
Jastarmen basqosýda «Ádiletti qoǵamnyń negizi» taqyrybynda sóz sóılegen L.N.Gýmılev atyndaǵy Eýrazııa ulttyq ýnıversıteti Konstıtýsııalyq jáne azamattyq quqyq kafedrasynyń professory Jamaladen Ibragımov Konstıtýsııa jobasynyń basty ereksheligi – adamǵa baǵyttalýy ekenin atap ótti. Al Ǵylym jáne joǵary bilim mınıstrligine qarasty «Memleket tarıhy ınstıtýty» RMM dırektory Nurbek Pusyrmanov Konstıtýsııany qoǵamdy biriktiretin mańyzdy qujat retinde sıpattady.
– Konstıtýsııa – eldiń bolashaq damý baǵdarynyń strategııalyq negizi. Qujat jaı normalar jıyntyǵy emes, ulttyń rýhanı tiregi ári qoǵam men bılik arasyndaǵy senim kepili. Qazirgi ýaqyt talabynda ulttyq qundylyqty nyǵaıtý, azamattardyń quqyǵyn qorǵaýdy kúsheıtý jáne zań ústemdigin ornyqtyrý mańyzdy. Bul – ádiletti ári qaýipsiz memleket qurý jolyndaǵy júıeli qadam, – dedi N.Pusyrmanov.
Respýblıkalyq medıasııa keńesiniń tóraǵasy Sherzod Pýlatov «Halyq birligi – reformalardyń sátti júzege asýynyń basty kepili» taqyrybynda qoǵamdyq kelisim men birliktiń mańyzyna toqtaldy. О́z kezeginde «Jastar» ǵylymı-zertteý ortalyǵy Taldaý jáne kommýnıkasııa basqarmasynyń basshysy Alıona Dmıtrıeva qazirgi sıfrlyq keńistiktegi jeke derekterdi qorǵaý, sıfrlyq qaýipsizdik jáne onlaın quqyq máselesine nazar aýdardy.
– Sıfrlyq dáýir jaǵdaıynda azamattardyń quqyqtaryn qorǵaý, aqparattyq qaýipsizdik pen derbes derekterdi saqtaý – jańa reformalardyń mańyzdy baǵyty retinde aıqyndalyp otyr. Sondyqtan jańa Konstıtýsııa el damýynyń kelesi kezeńine jol ashady, – dedi A.Dmıtrıeva.
Negizi mundaı ashyq kezdesýler jastardyń quqyqtyq saýatyn arttyrýǵa, konstıtýsııalyq reformany túsindirýge, sarapshylar men stýdentter arasyndaǵy senimdi kommýnıkasııa ornatýǵa ári azamattyq jaýapkershilikti nyǵaıtýǵa baǵyttalǵan. Kezdesý barysynda ortalyqtyń ǵylymı-zertteý jobalary, sıfrlyq resýrstary jáne «Jastar AI» vırtýaldy keńesshisi de tanystyryldy.
Kezdesýge jastardan bólek, Prezıdent janyndaǵy Ulttyq quryltaı músheleri, L.N.Gýmılev atyndaǵy Eýrazııa ulttyq ýnıversıteti jáne S.Seıfýllın atyndaǵy Qazaq agrotehnıkalyq ýnıversıteti professor-oqytýshylary, vedomstvolyq komıtetter men ǵylymı ınstıtýt ókilderi, sarapshylar, qoǵam belsendileri qatysty.
